ନୂଆଦିଲ୍ଲୀ ୨୮/୦୫: ଆଜିକାଲି ବି-ଟାଉନ୍ ସେଲିବ୍ରେଟିମାନେ ସେମାନଙ୍କ ବିବାଦୀୟ ବିବୃତ୍ତି ଯୋଗୁଁ ଚର୍ଚ୍ଚାରେ ରହୁଛନ୍ତି। ଟିଭି ଅଭିନେତ୍ରୀ ମୁମୁନ୍ ଦତ୍ତା, ତାପରେ ୟୁଭିକା ଚୌଧୁରୀ ଏବଂ ବର୍ତ୍ତମାନ ବଲିଉଡ ଅଭିନେତା ରଣଦୀପ ହୁଡାଙ୍କୁ ଗିରଫ କରାଯିବାକୁ ଦାବି କରାଯାଉଛି। ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ବିଏସପି ସୁପ୍ରିମୋ ମାୟାବତୀଙ୍କ ବିଷୟରେ ରଣଦୀପ ହୁଡା ଆପତ୍ତିଜନକ ମନ୍ତବ୍ୟ ଦେଇଥିବା ଅଭିଯୋଗ ହୋଇଛି। ଯାହାପରେ #ArrestRandeephooda ଟ୍ୱିଟରରେ ଟ୍ରେଣ୍ଡ କରୁଛି ।
ବାସ୍ତବରେ, ରଣଦୀପ ହୁଡାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ଦର୍ଶକଙ୍କ ମଧ୍ୟରେ ବସିଥିବା ଅଭିନେତା କହିଛନ୍ତି ଯେ ସେ ସେମାନଙ୍କୁ ଏକ ଖରାପ ଜୋକ୍ ଶୁଣାଇବାକୁ ଚାହୁଁଛନ୍ତି । ଏହା ପରେ ରଣଦୀପ ହୁଡା କହିଛନ୍ତି, ‘ମାୟାବତୀ ୨ ପିଲାଙ୍କ ସହ ଯାଉଥିଲେ ଯେଉଁମାନେ ବାଳକ ଥିଲେ। ତା’ପରେ ଜଣେ ବ୍ୟକ୍ତି ତାଙ୍କୁ ପଚାରିଲେ କି ଏମାନେ ଯାଆଁଳା? ମାୟାବତୀ ଉତ୍ତର ଦେଲେ ,ନାହିଁ ଜଣେ ୪ ବର୍ଷର ଏବଂ ଅନ୍ୟ ଜଣେ ୮ ବର୍ଷର। ଏହାପରେ ରଣଦୀପ ହୁଡାଙ୍କ କଥା ଲୋକମାନଙ୍କୁ ପସନ୍ଦ ଆସି ନାହିଁ ଏବଂ ଅଭିନେତାଙ୍କୁ ଗିରଫ କରିବାକୁ ଦାବି ଆରମ୍ଭ କରି ଦେଇଛନ୍ତି ।
ଏହି ଅଭିନେତାଙ୍କ ଭିଡିଓ ଭାଇରାଲ ହେବା ପରଠାରୁ ବହୁଜନ ସମାଜବାଦି ପାର୍ଟି (ବିଏସପି) ଏବଂ ମାୟାବତୀଙ୍କ ସମର୍ଥନ କ୍ରମାଗତ ଭାବରେ ଅଭିନେତାଙ୍କୁ ଗିରଫ କରିବାକୁ ଦାବି କରିଆସୁଛନ୍ତି । ଏଥିସହିତ କିଛି ଲୋକ କହିଛନ୍ତି ଯେ ରଣଦୀପ ହୁଡାଙ୍କ ଏହି ଆପତ୍ତିଜନକ ମନ୍ତବ୍ୟ କେବଳ ମାୟାବତୀ ଏବଂ ଦଳିତଙ୍କ ବିରୋଧରେ ନୁହେଁ ବରଂ ମହିଳାଙ୍କ ବିରୋଧରେ। କିନ୍ତୁ ବର୍ତ୍ତମାନ ସୁଦ୍ଧା, ଏହି ଘଟଣାରେ ରଣଦୀପ ହୁଡାଙ୍କ ଠାରୁ କୌଣସି ବିବୃତ୍ତି କିମ୍ବା ପ୍ରତିକ୍ରିୟା ମିଳିନାହିଁ।
