ମୁମ୍ବାଇ: ବଲିଉଡ୍ ଅଭିନେତା ଅଲୀ ଫଜଲ୍ ଓ ରିଚା ଚଡ୍ଢା ଲମ୍ବା ସମୟରୁ ଦୁହେଁ ଦୁହିଁଙ୍କୁ ଡେଟ୍ କରୁଛନ୍ତି । ଦୁହେଁ ୨୦୨୦ ଏପ୍ରିଲ୍ ମାସରେ ବିବାହ କରିବାର ଯୋଜନା ଥିଲା କିନ୍ତୁ କରୋନା ମହାମାରୀ କାରଣରୁ ବିବାହ ଘୁଞ୍ଚାଇବାକୁ ପଡ଼ିଲା । ତେବେ ଆଗାମୀ ବର୍ଷ ଅର୍ଥାତ୍ ୨୦୨୨ରେ ରିଚା-ଅଲୀଫଜଲ୍ ବିବାହ କରିବେ ବୋଲି ରିପୋର୍ଟରୁ ଖୁଲାସା ହୋଇଛି । ଦୁହେଁ ମାର୍ଚ୍ଚ ମାସରେ ହାତକୁ ଦି ହାତ ହେବେ ବୋଲି ଖବର ପ୍ରକାଶ ପାଇଛି ।
ରିପୋର୍ଟ ଅନୁସାରେ, ଲଭ ବାର୍ଡ ରିଚା ଓ ଅଲୀ ୨୦୨୨ ଏପ୍ରିଲ୍ ମାସରେ ଶୁଟିଂରେ ବ୍ୟସ୍ତ ରହିବେ ତେଣୁ ତା ପୂର୍ବରୁ ଅର୍ଥାତ୍ ମାର୍ଚ୍ଚ ମାସରେ ବିବାହ କରିବେ । ପରିବାର ଓ କିଛି ନିକଟତର ବନ୍ଧୁଙ୍କ ଉପସ୍ଥିତିରେ ବିବାହ ବନ୍ଧନରେ ବାନ୍ଧି ହେବେ ଏହି ଲଭ୍ ବାର୍ଡ ।
ତେବେ ଏହି ରିପୋର୍ଟରେ ଅଲୀ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ, ଆମେ ଦୁହେଁ ବିବାହ ପାଇଁ ଖୁବ୍ ଉତ୍ସୁକ ଅଛୁ, ହେଲେ ଏଥିପାଇଁ ଟିକେ ସମୟ ଲାଗିବ । ପ୍ରଥମେ ଲକଡାଉନ୍ ଓ ଚଳିତ ବର୍ଷ ପୁଣି ଲକଡାଉନ୍ , ତେଣୁ ବିଳମ୍ବ ହୋଇଗଲା । ଏହାପରେ ଯେତେବେଳେ ସବୁକିଛି ଖୋଲିଲା ଶୁଟିଂ ଅନୁମତି ମିଳିଲା ଆମେ ଦୁହେଁ ବ୍ୟସ୍ତତ ରହିଗଲୁ । ବିବାହ ପାଇଁ ସମୟ ନଥିଲା ।
