ନୂଆଦିଲ୍ଲୀ ୨୨/୦୭ : ସାଉଥ୍ ଫିଲ୍ମ ଷ୍ଟାର୍ ବିଜୟ ଦେବରାକୋଣ୍ଡାଙ୍କ ଲୋକପ୍ରିୟତା କ୍ରମାଗତ ଭାବେ ବୃଦ୍ଧି ପାଉଛି । ସେ ତାଙ୍କର ପ୍ରଥମ ପ୍ୟାନ୍ ଇଣ୍ଡିଆ ରିଲିଜ୍ ଫିଲ୍ମ ଲାଇଗର୍ ଯୋଗୁଁ ଚର୍ଚ୍ଚାରେ । ଏହି ଫିଲ୍ମକୁ ନେଇ ବିଜୟ ଦେବରାକୋଣ୍ଡାଙ୍କ ଫ୍ୟାନ୍ସମାନଙ୍କ ମଧ୍ୟରେ ବଡ଼ କ୍ରେଜ୍ ରହିଛି । ଏଥି ମଧ୍ୟରେ ଫିଲ୍ମ ଷ୍ଟାର୍ ବିଜୟ ଦେବରାକୋଣ୍ଡା ଏକ ବଡ ସଫଳତା ହାସଲ କରିଛନ୍ତି। ସୂଚନା ଅନୁଯାୟୀ, ବିଜୟ ଦେବରାକୋଣ୍ଡା ପାୱାର ଲିଷ୍ଟ ୨୦୨୧ ରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି । କେବଳ ଏତିକି ନୁହେଁ, ସେ ଏହି ତାଲିକାରେ ଟଲିଉଡର ସୁପରଷ୍ଟାର ମହେଶ ବାବୁଙ୍କ ପଛରେ ଅଛନ୍ତି।
ପ୍ରତ୍ୟେକ ଥର ପରି, ଏଥର ମଧ୍ୟ ମହେଶ ବାବୁଙ୍କୁ ହେଲୋ ମାଗାଜିନର ପାୱାର ଲିଷ୍ଟ ୨୦୨୧ରେ ଅନ୍ତର୍ଭୁକ୍ତ କରାଯାଇଛି । ତାଙ୍କ ପଛରେ ବିଜୟ ଦେବରାକୋଣ୍ଡା ଅଛନ୍ତି। ବିଜୟ ଦେବରାକୋଣ୍ଡା ନିଜେ ମହେଶ ବାବୁଙ୍କର ଜଣେ ଫ୍ୟାନ୍ସ ଅଟନ୍ତି। ସେ ଏକ ଇଣ୍ଟରଭ୍ୟୁରେ କହିଛନ୍ତି ଯେ କଲେଜ ସମୟରେ ସେ ମହେଶ ବାବୁଙ୍କ ଫିଲ୍ମ ଦେଖିବା ଲାଗି ଟିକେଟ୍ ପାଇବା ପାଇଁ ଦିଲସୁଖାନଗରର କୋଣାର୍କ ଥିଏଟର ବାହାରେ ଘଣ୍ଟା ଘଣ୍ଟା ଧରି ଲାଇନରେ ଛିଡା ହେଉଥିଲେ। ତେଣୁ ବିଜୟ ଦେବରାକୋଣ୍ଡାଙ୍କ ପାଇଁ ଏହି ପାୱାର ଲିଷ୍ଟରେ ତାଙ୍କ ଆଇଡଲ୍ ପାଖରେ ଠିଆ ହେବା ପ୍ରକୃତରେ ଏକ ବଡ଼ କଥା।
ଉଭୟ ଫିଲ୍ମ ଷ୍ଟାର ମହେଶ ବାବୁ ଏବଂ ବିଜୟ ଦେବରାକୋଣ୍ଡା ଆଜିକାଲି ସେମାନଙ୍କର ଆଗାମୀ ଫିଲ୍ମରେ ବ୍ୟସ୍ତ ଅଛନ୍ତି। ବିଜୟ ଦେବରାକୋଣ୍ଡା ଲାଇଗର୍ ପାଇଁ ଚର୍ଚ୍ଚାରେ ଥିବାବେଳେ ଟଲିଉଡ ପ୍ରିନ୍ସ ତାଙ୍କ ଫିଲ୍ମ ସରକାରୁ ଭାରୀ ପାଟାକୁ ନେଇ ବ୍ୟସ୍ତ ଅଛନ୍ତି। ଏହି ଫିଲ୍ମଟି ଦୁବାଇରେ ସୁଟିଂ କରାଯାଉଛି। ସାଉଥ୍ ଫିଲ୍ମ ଅଭିନେତ୍ରୀ କିର୍ତ୍ତୀ ସୁରେଶ ଏହି ଫିଲ୍ମରେ ମହେଶ ବାବୁଙ୍କ ସହ ନଜର ଆସିବେ।
