ସମ୍ୱଲପୁର ୦୫/୦୬ : ମହା ଆଡମ୍ବରରେ ସମ୍ପନ୍ନ ହେଲା ସମ୍ବଲପୁରର ଶୀତଳଷଷ୍ଠୀ ଯାତ୍ରାର ଶିବ ବିବାହ କାର୍ଯ୍ୟକ୍ରମ । ବ୍ରହ୍ମମୂହୁର୍ତ୍ତରେ ନନ୍ଦପଡାର ବମ୍ ବରାଡ ବାଲୁଙ୍କେଶ୍ବର ବାବା, ଝାଡୁଆପଡାର ଲୋକନାଥ ବାବା, ମୋଦିପଡାର ଜାଗେଶ୍ୱର ବାବାଙ୍କ ସମେତ ସବୁ କମିଟିର ବିବାହ କାର୍ଯ୍ୟ ସମ୍ପନ୍ନ ହୋଇଛି । ଶୁଭ ଲଗ୍ନରେ କନ୍ୟାପିତା କନ୍ୟାଦାନ ପରେ ହସ୍ତଗଣ୍ଠି ପଡିଛି ।
କରୋନା କଟକଣା ହଟିଥିବାରୁ ୨ ବର୍ଷ ପରେ ଆଡମ୍ବର ପୂର୍ଣ୍ଣ ହୋଇଛି ବାହାଘର । ଭବ୍ୟ ପଟୁଆରାରେ ବରଯାତ୍ରୀ ଏଥର ଦେଖିବାକୁ ମିଳିଛି । ଆଜି ବାହାଘର ପରେ ଦେବ ଦମ୍ପତ୍ତିଙ୍କର ନଗର ପରିକ୍ରମା ସହ ଭକ୍ତଙ୍କୁ ଯୁଗଳ ଦର୍ଶନ ଦେଇଥାନ୍ତି , ତେବେ ରାତ୍ରୀରୁ ଏହି କାର୍ଯ୍ୟକ୍ରମ ହେବାକୁ ଥିବାବେଳେ ବର୍ତ୍ତମାନ ବିବାହ ମଣ୍ଡପରେ ଦର୍ଶନ ଦେଉଛନ୍ତି । ତେବେ ଚଳିତ ଥର ଦେଶ ବାହାରୁ ମଧ୍ୟ ଶ୍ରଦ୍ଧାଳୁ ଦର୍ଶନ ପାଇଁ ଆସିଛନ୍ତି ।
