ମୁମ୍ବାଇ ୧୫/୦୪ : ଦେଶରେ କରୋନା ସଂକ୍ରମଣ ମାମଲା ନିଆଁ ଭଳି ବ୍ୟାପିବାରେ ଲାଗିଛି। ଦୈନିକ ସଂକ୍ରମଣ ମାମଲା ଲକ୍ଷେ, ଦେଢ଼ ଲକ୍ଷ ଟପିଗଲାଣି। ବୃଦ୍ଧି ପାଉଥିବା ମାମଲା ଯୋଗୁଁ ଦଶମ ଓ ଦ୍ୱାଦଶ ବୋର୍ଡ ପରୀକ୍ଷା ସ୍ଥଗିତ କରାଯାଇଛି। ଇତି ମଧ୍ୟରେ ବଲିଉଡ୍ ଅଭିନେତା ସୋନୁ ସୁଦଙ୍କ ଏକ ଟ୍ୱିଟ୍ ଶୋଷିଲା ମିଡ଼ିଆରେ ଭାଇରାଲ ହେଉଛି ଯେଉଁଥିରେ ସେ ମହାମାରୀ ସମ୍ପର୍କରେ ଏକ ବଡ ଶିକ୍ଷା ସମ୍ପର୍କରେ କହିଛନ୍ତି। ନିଜ ଟ୍ୱିଟରେ ସେ କହିଛନ୍ତି ଯେ ଦେଶକୁ ରକ୍ଷା କରିବାକୁ ହସ୍ପିଟାଲ ତିଆରି କରିବାକୁ ହେବ। ରିୟଲ୍ ଲାଇଫ୍ ହିରୋଙ୍କ ଏହି ଟ୍ୱିଟ୍ ସୋସିଆଲ ମିଡ଼ିଆରେ ଚର୍ଚ୍ଚାର ବିଷୟ ହୋଇଛି। ୟୁଜର୍ସ ସୋନୁଙ୍କ ଏହି ଟ୍ୱିଟରେ ଖୁବ କମେଣ୍ଟ ଦେଉଛନ୍ତି।
ମହାମାରୀ ସମ୍ପର୍କରେ ସୋନୁ କହିଛନ୍ତି, ମହାମାରୀ ଆମକୁ ସବୁଠାରୁ ବଡ ଶିକ୍ଷା ଦେଇଛି ଯେ “ଦେଶ ବଞ୍ଚାଇବାକୁ ହେଲେ ହସ୍ପିଟାଲ ତିଆରି କରିବାକୁ ହେବ।”
ବୃଦ୍ଧି ପାଉଥିବା କରୋନା ମାମଲା ଯୋଗୁଁ ସୋନୁ ସୁଦ ସିବିଏସସି ବୋର୍ଡ ପରୀକ୍ଷା ରଦ୍ଦ କରିବାକୁ ଓ ସ୍ଥଗିତ ରଖିବାକୁ ଦାବି କରିଥିଲେ। ବୋର୍ଡ ପରୀକ୍ଷା ରଦ୍ଦ କରିବା ଓ ସ୍ଥଗିତ କରିବା ନେଇ ସରକାରଙ୍କ ନିଷ୍ପତ୍ତିକୁ ସୋନୁ ସୁଦ ସ୍ୱାଗତ ଜଣାଇଥିଲେ ଓ ଟ୍ୱିଟ୍ କରି କହିଥିଲେ ଯେ ଶେଷରେ ଏହା ହିଁ ହେଲା, ସମସ୍ତ ବିଦ୍ୟାର୍ଥୀଙ୍କୁ ବହୁତ ବହୁତ ଶୁଭକାମନା
