ମୁମ୍ବାଇ ୧୦/୧୨: ବଲିଉଡର ପଙ୍ଗା କୁଇନ୍ କଙ୍ଗନା ରଣୌତ ସୋସିଆଲ୍ ମିଡିଆରେ ସବୁବେଳେ ଆକ୍ଟିଭ ରହିଥାନ୍ତି। ନିଜ ପୋଷ୍ଟ୍ ଜରିଆରେ ସେ ସବୁବେଳେ ଚର୍ଚ୍ଚାରେ ରହିଥାନ୍ତି। ଚାଷୀ ଆନ୍ଦୋଳନ ବିରୋଧରେ ଟ୍ବିଟ୍ ପରେ ପୁଣି ଥରେ କଙ୍ଗନା ଟ୍ବିଟ୍ କରି ଲୋକଙ୍କ ଧ୍ୟାନ ନିଜ ଆଡ଼କୁ ଆକର୍ଷିତ କରିଛନ୍ତି। ନିଜ ଟ୍ବିଟରେ ସେ ଘୋଷଣା କରିଛନ୍ତି ଯେ ସେ ଏକ ବିଶାଳ ମନ୍ଦିର ନିର୍ମାଣ କରିବାକୁ ଚିନ୍ତା କରୁଛନ୍ତି। ସେ କହିଛନ୍ତି ଯେ ଏହି ଭଲ କାମ ପାଇଁ ମା ଦୁର୍ଗା ତାଙ୍କୁ ବାଛିଛନ୍ତି। କଙ୍ଗନାଙ୍କ ଏହି ପୋଷ୍ଟରେ ଲୋକେ ଅନେକ ପ୍ରତିକ୍ରିୟା ଦେବାକୁ ଆରମ୍ଭ କରିଛନ୍ତି।
କଙ୍ଗନା ରଣୌତ ନିଜର ଏକ ଫଟୋ ସହ ଟ୍ବିଟ୍ କରିଛନ୍ତି। ଏହି ଫଟୋରେ ଦେବୀଙ୍କ ମୂର୍ତ୍ତି ମଧ୍ୟ ଦେଖିବାକୁ ମିଳିଛି। ସେ ଲେଖିଛନ୍ତି ଯେ,‘ ମା ଦୁର୍ଗା ତାଙ୍କୁ ନିଜ ମନ୍ଦିର ନିର୍ମାଣ କରିବାକୁ ବାଛିଛନ୍ତି,ତାଙ୍କ ବଂଶଧରମାନେ ସେମାନଙ୍କ ପାଇଁ ଯାହା କରିଛନ୍ତି ତାହାକୁ ସେ ଆଗକୁ ବଢ଼ାଇବେ। ଦେବୀ ମା ଅତ୍ୟନ୍ତ ଦୟାଳୁ,ସେ ତାଙ୍କର ଏହି ଭାବକୁ ସ୍ବୀକାର କରିବେ। ଦିନେ ସେ ଏପରି ମନ୍ଦିର ନିର୍ମାଣ କରିବାକୁ ଚିନ୍ତା କରୁଛନ୍ତି ଯାହା ଅତ୍ୟନ୍ତ ସୁନ୍ଦର ହେବ ଏବଂ ସେଠାରେ ମାଙ୍କ ମହିମା ହେବ। ଏହା ତାଙ୍କ ସଭ୍ୟତା ପାଇଁ ହେବ। ଜୟ ମାତା ଦି।’
କଙ୍ଗନାଙ୍କ ଏହି ପୋଷ୍ଟରେ ଏବେ ଲୋକଙ୍କ ପ୍ରତିକ୍ରିୟା ଆସିବାରେ ଲାଗିଛି। କିଛି ଲୋକ କଙ୍ଗନାଙ୍କ ଏହି ପଦକ୍ଷେପକୁ ପ୍ରଶଂସା କରୁଥିବାବେଳେ କିଛି ଲୋକ କଙ୍ଗନାଙ୍କ ଉପରେ ଅସନ୍ତୁଷ୍ଟ ହୋଇଛନ୍ତି।
