ମୁମ୍ବାଇ ୦୯।୦୫ : କ୍ୟାଟ୍ରିନା କୈଫ୍ ଏବଂ ଭିକି କୌଶଲ ବିବାହ ପରଠାରୁ ଦୁହେଁ ବହୁତ ଚର୍ଚ୍ଚାକୁ ଆସିଛନ୍ତି । ବଲିଉଡ୍ର ଚର୍ଚ୍ଚିତ ଯୋଡି ଭାବେ ଦୁହେଁ ବେଶ୍ ପରିଚିତ। ବିବାହ ପରଠାରୁ ଦୁହେଁ ପରସ୍ପରକୁ ସଠିକ୍ ଭାବରେ ସମୟ ଦେବାରେ ସକ୍ଷମ ନୁହଁନ୍ତି । ନିଜ ନିଜ କାର୍ଯ୍ୟରେ ବ୍ୟସ୍ତ ରହୁଥିବା କ୍ୟାଟ୍ରିନା ଓ ଭିକି ଆଜି ଭଳି ଖାସ୍ ଦିନ ପାଇଁ ଦୁହେଁ ଛୁଟି ନେଇଛନ୍ତି । ଦୁହେଁ ଏହି ଦିନକୁ ସ୍ପେଶାଲ୍ କରିବାକୁ ଏକାଠି ହୋଇଛନ୍ତି। ଆଜି ଦୁହିଁଙ୍କର ବିବାହକୁ ୫ ମାସ ପୁରିଛି । ଏହି ସମୟରେ ଦୁହେଁ ଏକ ସୁନ୍ଦର ଫଟୋ ସେୟାର କରିଛନ୍ତି । ଏନେଇ କ୍ୟାଟ୍ରିନା ଏବଂ ଭିକି ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ରୋମାଣ୍ଟିକ ଫଟୋ ସେୟାର କରିଛନ୍ତି। ଏହି ଫଟୋଟି ସେୟାର ହେବା ମାତ୍ରେ ଏହା ଅଧିକରୁ ଅଧିକ ଭାଇରାଲ ହେବାରେ ଲାଗିଛି।
ଭିକି କୌଶଲ ଏବଂ କ୍ୟାଟ୍ରିନା କୈଫଙ୍କର କିଛି ନୂଆ ଫଟୋ ସୋସିଆଲ ମିଡିଆରେ ସେୟାର କରାଯାଇଛି । ଯେଉଁଥିରେ ଆପଣ ଏହି ସେଲିବ୍ରିଟି ଦମ୍ପତିଙ୍କୁ ଏକାଠି ସମୟ ଅତିବାହିତ କରୁଥିବା ନଜର ଆସିବେ । ହେଲେ ଉଭୟଙ୍କ ବୁଲୁଥିବା ସ୍ଥାନର ନାମ ପ୍ରକାଶ କରାଯାଇ ନାହିଁ, କିନ୍ତୁ କ୍ୟାଟ୍ରିନା କୈଫ୍ ତାଙ୍କ କ୍ୟାପସନରେ ସୂଚନା ଦେଇଛନ୍ତି ଯେ ସେ ତାଙ୍କ ପ୍ରିୟ ସ୍ଥାନରେ ଅଛନ୍ତି।
ଗୋଟିଏ ଫଟୋରେ ଭିକି ଏବଂ କ୍ୟାଟ୍ରିନା ପରସ୍ପରର କାନ୍ଧରେ ହାତ ଦେଇ ଜେବ୍ରା କ୍ରସିଂ ରାସ୍ତା ପାର ହେଉଥିବା ଦେଖିବାକୁ ମିଳିଛି । ଉଭୟ ଶୀତ ଦିନର ପୋଷାକ ପିନ୍ଧିଛନ୍ତି। ଯାହାକୁ ଦେଖିଲା ପରେ ଅନୁମାନ କରାଯାଉଛି କି ସେମାନେ କୌଣସି ଥଣ୍ଡା ଦେଶରେ ଅଛନ୍ତି । ଦ୍ବିତୀୟ ଫଟୋରେ ରେଷ୍ଟୁରାଣ୍ଟର ଝରକା ପାଖରେ ବସିଥିବାର ନଜର ଆସିଛନ୍ତି। ଏହି ଫଟୋକୁ ଦେଖି ଅନୁଷ୍କା ଶର୍ମାଙ୍କ ସମେତ ସମସ୍ତ ସେଲିବ୍ରିଟି ଏହି କମେଣ୍ଟ ଦେଇଛନ୍ତି।
