ଲାହୋର,୨୫/୦୪: ଭାରଚରେ କରୋନା ସ୍ଥିତି ସାଙ୍ଘାତିକ ରହିଛି । ଦୈନିକ ୩ ଲକ୍ଷରୁ ଢେର୍ ଅଧିକ କେସ୍ ସାମ୍ନାକୁ ଆସୁଛି । ମୃତ୍ୟୁ ସଂଖ୍ୟା ମଧ୍ୟ ୨୭୦୦ ଉପରେ ରହୁଛି । ଏହି ପରିସ୍ଥିତିରେ ପାକିସ୍ତାନର ପୂର୍ବତନ ଦ୍ରୁତ ବୋଲର ସୋଏବ ମଲ୍ଲିକ ନିଜ ଦେଶର ଲୋକଙ୍କୁ ଭାରତକୁ ସାହାଯ୍ୟ କରିବାକୁ ଅନୁରୋଧ କରିଛନ୍ତି ।
ସୋଏବ କହିଛନ୍ତି ଯେ, ଭାରତରେ ଅକ୍ସିଜେନ ସିଲିଣ୍ଡରରର ଘୋର ସଙ୍କଟ ଦେଖାଦେଇଛି । ଦ୍ୱିତୀୟ ଲହରରେ ଭାରତର ସ୍ଥିତି ଖରାପ ରହିଛି । ଏଥିପାଇଁ ପାକିସ୍ତାନୀମାନେ ଆଗକୁ ଆସି ଭାରତକୁ ସାହାଯ୍ୟ କରନ୍ଚୁ । ସେ ନିଜ ୟୁଟ୍ୟୁବ୍ ଚ୍ୟାନେଲରେ ଏକ ଭିଡିଓ ସେୟାର କରି ସାହାଯ୍ୟ ପାଇଁ ଅନୁରୋଧ କରିଛନ୍ତି ।
ରାଓ୍ୱଲପିଣ୍ଡି ଏକ୍ସପ୍ରେସ୍ ଆହୁରି ମଧ୍ୟ କହିଛନ୍ତି ଯେ, ଭାରତରେ ଦୈନିକ ୪ ଲକ୍ଷ ପାଖାପାଖି କେସ୍ ବାହାରୁଛି । ସମସ୍ତେ ଏକଜୁଟ ହୋଇ ଏହି ଲଢେଇରେ ଭାରତକୁ ସାହାଯ୍ୟ କରିବା ଜରୁରୀ । ଭାରତର ଭାଇ-ଭଉଣୀ ଓ ବୃଦ୍ଧ ସମସ୍ତଙ୍କୁ ସାହାଯ୍ୟର ଆବଶ୍ୟକତା ରହିଛି । ଦିଲ୍ଲୀ ଏବଂ ମୁମ୍ବାଇ ଭଳି ବଡ ସହର କରୋନା ଜାଲରେ ଫସିଛି । କୌଣସି ସରକାର ପାଇଁ ଏହି ସ୍ଥିତିର ମୁକାବିଲା କରିବା ସମ୍ଭବ ନୁହେଁ । ଏଥିପାଇଁ ପାକିସ୍ତାନୀ ନାଗରିକ ଓ ସରକାର ଆଗକୁ ଆସିବା ଦରକାର । ଏହାସହ ଭାରତ ପାଇଁ ଫଣ୍ଡ୍ ଏକାଠି କରିବାକୁ ମଧ୍ୟ ସେ ନିବେଦନ କରିଛନ୍ତି ।
ଆହୁରି ମଧ୍ୟ ରମଜାନ ମାସରେ ସୋଏବ ଭାରତ, ପାକିସ୍ତାନ ସମେତ ବିଶ୍ୱର ତମାମ ମୁସଲମାନଙ୍କୁ ଭାରତ ପାଇଁ ପ୍ରାର୍ଥନା କରିବାକୁ କହିଛନ୍ତି ।
