ମୁମ୍ୱାଇ ୧୪/୦୪: ଆଇପିଏଲ୍ ୨୦୨୨ରେ ଏପର୍ଯ୍ୟନ୍ତ ମୁମ୍ବାଇ ଇଣ୍ଡିଆନ୍ସ ପାଇଁ ଏକ ନିରାଶାଜନକ ପ୍ରଦର୍ଶନ ଦେଇଛି । ଯାହାକି ଫ୍ୟାନ୍ସ ମହଲରେ ବେଶ୍ ନିରାଶା ଭାବ ସୃଷ୍ଟି କରିଛି । ସିଜନ ୧୫ରେ ୫ ଟି ମ୍ୟାଚ୍ ଖେଳିଥିବା MI, ଏଯାଏଁ ଗୋଟିଏ ହେଲେ ବିଜୟ ପାଇନି । ବୁଧବାର ମ୍ୟାଚ୍ରେ ପଞ୍ଜାବ କିଙ୍ଗ୍ସଙ୍କ ହାତରେ ଦଳ ୧୨ ରନ୍ର ପରାଜୟ ବରଣ କରିଛି ।
ଏହି ସିଜନରେ ମୁମ୍ବାଇର କ୍ରମାଗତ ପଞ୍ଚମ ପରାଜୟ । ତେବେ ମୁମ୍ବାଇର ଏହି ଅସୁବିଧା ଏତିକିରେ ଶେଷ ହୋଇନି । ପଞ୍ଜାବ ବିପକ୍ଷରେ ମନ୍ଥର ଗତି ହେତୁ ମୁମ୍ୱାଇ ଇଣ୍ଡିଆନ୍ସକୁ ଜରିମାନା କରାଯାଇଛି । ଚଳିତ ସିଜନରେ ମୁମ୍ବାଇର ଏହା ଦ୍ୱିତୀୟ ଭୁଲ ଥିଲା, ତେଣୁ ଅଧିନାୟକଙ୍କ ସମେତ ଅନ୍ୟ ଖେଳାଳିମାନେ ମଧ୍ୟ ଅଣ୍ଟା ଭିଡିଥିଲେ ।
ଯଦି ମୁମ୍ବାଇ ଇଣ୍ଡିଆନ୍ସ ଏହି ସିଜନରେ ତୃତୀୟ ଥର ପାଇଁ ଏହି ଭୁଲକୁ ପୁନରାବୃତ୍ତି କରେ । ତେବେ ଜରିମାନା ସହିତ ଅଧିନାୟକ ରୋହିତ ଶର୍ମାଙ୍କୁ ମଧ୍ୟ ଗୋଟିଏ ମ୍ୟାଚ୍ ପାଇଁ ବାରଣ କରାଯାଇପାରେ । ଯଦି କୌଣସି ଦଳ ଗୋଟିଏ ସିଜନରେ ତୃତୀୟ ଥର ଏହି ଭୁଲ କରେ, ତେବେ ଅଧିନାୟକଙ୍କୁ ଗୋଟିଏ ମ୍ୟାଚ୍ ବ୍ୟାନ୍ ସହିତ ୩୦ଲକ୍ଷ ଟଙ୍କା ଜରିମାନା ଏବଂ ଖେଳୁଥିବା ଏକାଦଶ ଖେଳାଳିଙ୍କୁ ୧୨ଲକ୍ଷ ଟଙ୍କା କିମ୍ବା ମ୍ୟାଚ୍ ଫି ର ୫୦ପ୍ରତିଶତ ଜରିମାନା କରାଯିବ । ଯାହାକି କମ୍ ଅଟେ ।
ଏବେ ରୋହିତ ଶର୍ମାଙ୍କ ନିକଟରେ ଭୁଲ୍ କରିବାର ସୁଯୋଗ ନାହିଁ । ଏହି ସିଜିନରେ ମୁମ୍ବାଇ ଇଣ୍ଡିଆନ୍ସ ଆଉ ୯ଟି ମ୍ୟାଚ୍ ଖେଳିବାକୁ ବାକି ଅଛି, ଯଦି ସେ ଥରେ ଧୀମା ଓଭର ହାରରେ ଦୋଷୀ ସାବ୍ୟସ୍ତ ହୁଅନ୍ତି, ତେବେ ଅଧିନାୟକ ରୋହିତ ଶର୍ମାଙ୍କୁ ଗୋଟିଏ ମ୍ୟାଚ୍ ପାଇଁ ବାରଣ କରାଯାଇପାରେ ।
