ନୂଆଦିଲ୍ଲୀ ୧୮/୦୫: ସିଙ୍ଗିଙ୍ଗ୍ ଇଣ୍ଡଷ୍ଟ୍ରୀରୁ ବହୁତ ଦୁଃଖଦ ଖବର ସାମ୍ନାକୁ ଆସିଛି । ବ୍ରାଜିଲର ପ୍ରସିଦ୍ଧ ଗାୟକ ଏମସି କେଭିନଙ୍କର ୨୩ ବର୍ଷ ବୟସରେ ଦେହାନ୍ତ ହୋଇଛି। ତାଙ୍କର ମୃତ୍ୟୁ ରହସ୍ୟମୟ ପରିସ୍ଥିତିରେ ହୋଇଛି। କେଭିନ ହୋଟେଲର ପଞ୍ଚମ ମହଲାରୁ ଖସିପଡିଥିବା ଜଣାଯାଇଛି। ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ମିଳିଥିବା ସୂଚନା ଅନୁଯାୟୀ, ଏହି ଘଟଣା ମେ ୧୬ରେ ଘଟିଥିଲା । ବ୍ରାଜିଲର ରିଓ ଡି ଜେନେରିଓର ଏକ ହୋଟେଲରେ କେଭିନ ଏକାଦଶ ମହଲାରେ ରହୁଥିଲେ। ତାଙ୍କର ସାଙ୍ଗମାନେ ପଞ୍ଚମ ମହଲାରେ ରହୁଥିଲେ । କେଭିନ ତାଙ୍କ ସାଙ୍ଗମାନଙ୍କୁ ଭେଟିବା ପାଇଁ ତାଙ୍କ ରୁମରେ ପହଞ୍ଚିଥିଲେ । ସେ ହୋଟେଲର ବାଲକୋନୀରେ ଥିଲେ ଯେଉଁଠାରୁ ସେ ତଳେ ପଡ଼ିଯାଇଥିଲେ। ଏହା ପରେ ତାଙ୍କୁ ଡାକ୍ତରଖାନା ନିଆଯାଇଥିଲା ସୁଦ୍ଧା ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
କେଭିନ ଦୁଇ ସପ୍ତାହ ପୂର୍ବରୁ ତାଙ୍କ ଗର୍ଲଫ୍ରେଣ୍ଡଙ୍କୁ ବିବାହ କରିଥିଲେ। କେଭିନଙ୍କ ମୃତ୍ୟୁ ପରେ ତାଙ୍କ ଗର୍ଲଫ୍ରେଣ୍ଡ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ସେମାନଙ୍କ ବିବାହର ବ୍ଲାକ୍ ଆଣ୍ଡ ହ୍ୱାଇଟ୍ ଫଟୋ ସେୟାର କରି ଇମୋସନାଲ ପୋଷ୍ଟ ଲେଖିଛନ୍ତି । ସେ କ୍ୟାପସନରେ ଲେଖିଛନ୍ତି, ‘ତୁମେ ମୋର ଜୀବନର ପ୍ରେମ ଏବଂ ସର୍ବଦା ରହିବ । ଯିଏ ମୋତେ ସବୁଠାରୁ ଅଧିକ ଭଲପାଇବା ଦେଇଥିଲେ । ମୁଁ ତୁମକୁ ସର୍ବଦା ଭଲ ପାଇବି। ‘
