ଆନନ୍ଦପୁର ୨୬।୦୫: କେନ୍ଦୁଝର ଜିଲ୍ଲା ଆନନ୍ଦପୁର ଘଷିପୁରା ଥାନା କଣ୍ଟାରୋହୀ ଗାଁରେ ମର୍ମନ୍ତୁଦ ଦୁର୍ଘଟଣା । ବୁଲେଟ୍ ଧକ୍କାରେ ଯୁବକଙ୍କ ମୃତ୍ୟୁ ହୋଇଛି । ମୃତକ ରାମଚନ୍ଦ୍ରପୁର ଥାନା ଗୁହାଳଡିହି ଗାଁର ଲିଟୁ ମଲ୍ଲିକ ବୋଲି ଜଣାପଡିଛି ।
ଖବର ଅନୁଯାୟୀ, ଲିଟୁ ବନ୍ଧୁ ଘର କଣ୍ଟାରୋହୀ ବୁଲିବାକୁ ଆସିଥିଲା । ପ୍ରବଳ ଗରମ ଲାଗି ଲିଟୁ ରାସ୍ତାରେ ଏପଟ ସେପଟେ ହେଉଥିଲା । ଠିକ୍ ଏହି ସମୟରେ ଏକ ବୁଲେଟ ତାଙ୍କୁ ଧକ୍କା ଦେଇଥିଲା । ଯାହାଫଳରେ ସେ ଗୁରୁତର ହୋଇ ପଡିରହିଥିଲେ । ସେଠାରୁ ତାଙ୍କୁ ଉଦ୍ଧାର କରି ମେଡିକାଲର ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଛନ୍ତି ।
ସେପଟେ ଦୁର୍ଘଟଣା ଘଟାଇବା ପରେ ବୁଲେଟ୍ ଚାଳକ ଘଟଣାସ୍ଥଳରୁ ଫେରାର ହୋଇଯାଇଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
