ଚନ୍ଦ୍ରଶେଖରପୁର: ଅଟୋଚାଳକଟିଏ ଚା’ ଦୋକାନକୁ ଗଲା। ଦୋକାନରେ ବସିଥିଲେ ଜଣେ ମହିଳା। ଅଟୋଚାଳକ ମହିଳାଙ୍କୁ ୨୦ ଟଙ୍କିଆ ନୋଟ୍ଟିଏ ବଢ଼ାଇ ଦେଇ ମାଗିଲା- ପରୀ ଦିଅ। ମହିଳା ତା’ ହାତକୁ ବଢ଼ାଇଦେଲେ ଏକ ସିଗାରେଟ୍। ପରେ ପରେ ଜଣେ କଲେଜ ପଢ଼ୁଆ ଯୁବକ ସେହି ଦୋକାନରେ ପହଞ୍ଚିଲେ। ଶହେ ଟଙ୍କିଆ ନୋଟ୍ଟିଏ ବଢ଼ାଇ ଦେଇ କହିଲା- ଗୋଟେ ନିମ୍କି ଦିଅ। ମହିଳା ଗୋଟେ କାଗଜ ପୁଡ଼ିଆ ବଢ଼ାଇଦେଲେ। ବୁଝୁବୁଝୁ ଜଣାପଡ଼ିଲା ୨୦ ଟଙ୍କିଆ ସିଗାରେଟ୍ରେ ଭର୍ତ୍ତି ହୋଇଥିଲା ଗଞ୍ଜେଇ। ସେହିଭଳି ଶହେ ଟଙ୍କିଆ ନିମ୍କି ଥିଲା ବ୍ରାଉନ୍ସୁଗାର ପୁଡ଼ିଆ। ଏମିତି କୋଡ୍ ୱାର୍ଡରେ ସହିଦନଗର ଥାନା ଆଚାର୍ଯ୍ୟବିହାର ନିକଟ ବିଶ୍ବେଶ୍ବର ବସ୍ତିରେ ଚାଲିଛି ଏମିତି ବେଧଡ଼କ ନିଶା କାରବାର।
