ନୂଆଦିଲ୍ଳୀ ୦୭। ୦୧ : ପ୍ରଥମେ ହେଲା ପ୍ରେମ ପରେ ବିବାହ, ଆଉ ଏବେ ବିଚ୍ଛେଦ । ସେ ଆଉ କେହି ନୁହେଁ ଟେଲି ଜଗତର ଲୋକପ୍ରିୟ ଯୋଡ଼ି ସଞ୍ଜିଦା ଶେଖ ଏବଂ ଆମିର ଅଲି। ଗୋଟେ ସମୟରେ ଦର୍ଶକଙ୍କ ଭଲପାଇବା ପାଉଥିବା ଏହି ଯୋଡ଼ି ଏବେ ଅଲଗା ହୋଇଯାଇଛନ୍ତି। କେବଳ ସେତିକି ନୁହେଁ ଝିଅ ଆୟରାଙ୍କ କଷ୍ଟଡି ସଞ୍ଜିଦାଙ୍କୁ ମିଳିଥିବା ମଧ୍ୟ କୁହାଯାଉଛି।
କିଛି ବର୍ଷ ଧରି ପରସ୍ପରକୁ ଡେଟ୍ କରିବା ପରେ ଆମିର-ସଞ୍ଜିଦା ୨୦୧୨ରେ ବିବାହ କରିଥିଲେ। ସେମାନଙ୍କ ମଧ୍ୟରେ ସବୁକିଛି ଠିକ୍ ଚାଲିଥିଲା। ବିବାହର ୭ ବର୍ଷ ପରେ ୨୦୧୯ରେ ଉଭୟ ସରୋଗେସୀ ଜରିଆରେ ସନ୍ତାନ ପ୍ରାପ୍ତି କରିଥିଲେ। ହେଲେ ୨୦୨୦ରୁ ଦୁଇ ଟେଲି ତାରକାଙ୍କ ମଧ୍ୟରେ ସବୁ ଠିକ୍ ଚାଲି ନ ଥିବା ଖବର ଶୁଣିବାକୁ ମିଳୁଥିଲା। ୯ ମାସ ପୂର୍ବେ ସେମାନେ ଅଲଗା ହୋଇଛନ୍ତି। ଏବେ ସଞ୍ଜିଦା ଝିଅଙ୍କ ଦେଖାଶୁଣା କରିବେ।
ଏହାପରେ ଉଭୟ ନିଜ ନିଜ କ୍ୟାରିୟର ଆଗକୁ ବଢ଼ିଛନ୍ତି । ତେବେ ଉଭୟ ନିଜ ଛାଡ଼ପତ୍ରକୁ ସିକ୍ରେଟ ରଖିଛନ୍ତି । ସେପଟେ ଉଭୟଙ୍କ ୨ ବର୍ଷର କନ୍ୟା ସନ୍ତାନର ଦାୟିତ୍ବ ନେବେ ସଞ୍ଜିଦା । ସଞ୍ଜିଦା ଏବେ ଛାଡ଼ପତ୍ର ପରେ ନିଜ ବାପ ଘରେ ରହୁଛନ୍ତି ।
