କଟକ, ୦୫।୦୭: ବିଜେବି କଲେଜ ଛାତ୍ରୀ ଆତ୍ମହତ୍ୟା ଘଟଣାର ଉଚ୍ଚ ସ୍ତରୀୟ ତଦନ୍ତ କରି ଘଟଣାରେ ସମ୍ପୃକ୍ତ ସମସ୍ତ ଦୋଷୀଙ୍କୁ ଦୃଷ୍ଟାନ୍ତ ମୂଳକ ଦଣ୍ଡ ଦେବା ଦାବିରେ ଅଲ ଇଣ୍ଡିଆ ଡେମୋକ୍ରାଟିକ ଷ୍ଟୁଡେଣ୍ଟସ ଅର୍ଗାନାଇଜେସନ (ଏ. ଆଇ.ଡି.ଏସ.ଓ) ପକ୍ଷରୁ ଆଜି ସାରା ଓଡିଶା ପ୍ରତିବାଦ ଦିବସ ପାଳନ କରୁଛି । ଏହି ପରିପ୍ରେକ୍ଷୀରେ ସଂଗଠନ କଟକ ଜିଲ୍ଲା କମିଟ ପକ୍ଷରୁ ରେଭେନ୍ସା ବିଶ୍ୱ ବିଦ୍ୟାଳୟ ସମ୍ମୁଖରେ ବିକ୍ଷୋଭ କରାଯାଇଛି ।
ସଂଗଠନର ଓଡିଶା ରାଜ୍ୟ କମିଟି ଉପ ସଭାପତି ବବି ବଳବନ୍ତ ରାୟ, କଟକ ଜିଲ୍ଲା କମିଟି ସଭାପତି ଭାଗ୍ୟରବି ଦାସ ଓ ଏଆଇଡିଏସବଓର ବହୁ ଛତ୍ର ଓ ଛାତ୍ରୀ ଉପସ୍ଥିତ ଥିଲେ। ବିଜେବି କଲେଜ ଛାତ୍ରୀ ଆତ୍ମହତ୍ୟା ଘଟଣାରେ ଦୋଷୀଙ୍କୁ ଚିହ୍ନଟ କରି ତୁରନ୍ତ ଦଣ୍ଡ ବିଧାନ କରାନଗଲେ ଛାତ୍ର ଆନ୍ଦୋଳନକୁ ଶକ୍ତି ଶାଳୀ କରାଯିବ ବୋଲି ଛାତ୍ର ନେତା ମାନେ ଚେତାବନୀ ଦେଇଛନ୍ତି ।
