ନୂଆଦିଲ୍ଲୀ ୨୯/୦୮: ବିଗ୍ ବସ୍ OTT ପ୍ଲାଟଫର୍ମ ଅନେକ କାରଣରୁ ଚର୍ଚ୍ଚାରେ ରହିଛି । ସେଥିମଧ୍ୟରୁ ପ୍ରତିଯୋଗୀ ଶମିତା ଶେଟ୍ଟୀ ଏବଂ ରାକେଶ ବାପତଙ୍କ ମଧ୍ୟରେ ସମ୍ପର୍କ ଘନିଷ୍ଠତା ହେବାରେ ଲାଗିଛି । ଉଭୟ ଏକ କନେକସନ ଭାବରେ ବିଗବସ୍ କୁ ପ୍ରବେଶ କରିଥିଲେ । ହେଲେ ବର୍ତ୍ତମାନ ଗତ କିଛି ଏପିସୋଡରେ ଉଭୟ ପରସ୍ପର ସହିତ ଏକ ସ୍ୱତନ୍ତ୍ର ବନ୍ଧନ ସେୟାର କରୁଥିବାର ଦେଖିବାକୁ ମିଳିଥିଲା । କେବଳ ଏତିକି ନୁହେଁ ଦୁହେଁ ପରସ୍ପର ପାଇଁ ଅତ୍ୟନ୍ତ ଭାବପ୍ରବଣ ହୋଇପଡିଛନ୍ତି।
ଶୋ’ର ଏକ କ୍ଲିପ୍ ସୋସିଆଲ ମିଡିଆରେ ଖୁବ୍ ଭାଇରାଲ୍ ହୋବାରେ ଲାଗିଛି । ଯେଉଁଥିରେ ଶମିତା ଶେଟ୍ଟୀ ରାକେଶ ବାପତଙ୍କୁ ତାଙ୍କ ଗାଲରେ ଚୁମ୍ବନ ଦେବାକୁ କହିଥିଲେ । ଭିଡିଓରେ ଆପଣ ଦେଖିପାରିବେ ଯେ ଶମିତା ରାକେଶଙ୍କୁ ରୋଷେଇ ଘରେ କିଛି ଶିଖାଉଛନ୍ତି । ଏହା ପରେ ଶମିତା ଡାଇନିଂ ଟେବୁଲ ଉପରେ ବସି କିଛି ଖାଉଛନ୍ତି। ଏହାରି ମଧ୍ୟରେ ରାକେଶ କହିଛନ୍ତି ଯେ ଆଉ କିଛି? ଶମିତା ତାଙ୍କୁ ରାଗିକି ଚାହଁନ୍ତି । ଏହା ଦେଖିବା ପରେ ରାକେଶ କୁହନ୍ତି ଆରେ ତୁମେ କାହିଁକି ରାଗୁଛ, ୟାର୍… ଏନେଇ ଶମିତା କୁହନ୍ତି, “ଏଠାକୁ ଆସ ଏବଂ ମୋତେ କିସ୍ କର” ଶମିତାଙ୍କ କଥା ଶୁଣି ରାକେଶ ତାଙ୍କ ପାଖକୁ ଯାଆନ୍ତି ଓ ତାଙ୍କ ଗାଲରେ କିସ୍ ଦିଅନ୍ତି ।
ହେଲେ ଶମିତା-ରାକେଶ ଶୋ’ରେ ସେମାନଙ୍କ ମଧ୍ୟରେ ବଢୁଥିବା ପ୍ରେମ ଦେଖି ଦର୍ଶକମାନେ ମଧ୍ୟ ଖୁସି ହୁଅନ୍ତି । ଯେତେବେଳେ ଏହି ଏପିସୋଡରେ ଦେଖିବାକୁ ମିଳିଥିଲା ଯେ ଦିବ୍ୟ ଅଗ୍ରୱାଲ ଓ ରାକେଶଙ୍କ ସହ କିଛି କଥାବାର୍ତ୍ତା କରନ୍ତି, ସେତେବେଳେ ଶମିତା ଉଭୟଙ୍କୁ ଏକାଠି ଦେଖି ରାଗି ଯାଇଥିଲେ। ରାକେଶଙ୍କ ଉପରେ ନିଜର ଅସନ୍ତୋଷ ବ୍ୟକ୍ତ କରି କହିଥିଲେ ଯେ ମୁଁ ତୁମର ଗର୍ଲଫ୍ରେଣ୍ଡ ନୁହେଁ।
