ମୁମ୍ବାଇ ୨୨/୦୯ : ବଲିଉଡ୍ର କନ୍ଟ୍ରୋଭର୍ସି କୁଇନ୍ ରାକ୍ଷୀ ସାୱନ୍ତଙ୍କ ସବୁବେଳେ ଚର୍ଚ୍ଚାରେ ରହିଥାନ୍ତି। ଏବେ ପୁଣିଥରେ ଚର୍ଚ୍ଚାର ବିଷୟ ପାଲଟିଛନ୍ତି ସ୍ୱାମୀ ରିତେଶ । ରାକ୍ଷୀଙ୍କ ସ୍ୱାମୀ ରିତେଶ ‘ବିଗ୍ ବସ୍ ୧୫’ରେ ଏକ ଗ୍ରାଣ୍ଡ ଏଣ୍ଟ୍ରି ନେବେ ବୋଲି ଶୁଣା ଯାଉଛି। ଯେତେବେଳେ ସଲମାନ ଖାନ ଓ ବିଗ୍ ବସ୍ ଶେଷ ସିଜନରେ ସେ କାହିଁକି ଆସିଲେ ନାହିଁ ବୋଲି ପଚରାଗଲା, ସେତେବେଳେ ରିତିଶ କହିଥିଲେ ଯେ ଏହା ମୋର ବ୍ୟବସାୟ ହେତୁ ହୋଇଥିଲା। ସେଥିପାଇଁ ମୁଁ ମୋର ପ୍ରତିଜ୍ଞା ପୂରଣ କରିପାରିଲି ନାହିଁ। “
ତେବେ ସୂଚନା ଅନୁଯାୟୀ, ରିତେଶ କହିଛନ୍ତି ଯେ ଏଥର ସେ ‘ବିଗ୍ ବସ୍ ୧୫’ରେ ରାକ୍ଷୀଙ୍କ ସହ ଘରେ ପ୍ରବେଶ କରିବେ। ରିତେଶ ମଧ୍ୟ ତାଙ୍କ ଫଟୋ ସେୟାର କରିବାକୁ ମନା କରି କହିଛନ୍ତି, ତୁମେ ମୋତେ ଶୋ’ରେ ହିଁ ଦେଖିବ। ସେ ସଲମାନ ଖାନଙ୍କୁ ଭେଟିବାକୁ ମଧ୍ୟ ଅପେକ୍ଷା କରିଛନ୍ତି, ଯାହା ତାଙ୍କୁ ଗତଥରରେ ଦେଖିବାକୁ ମିଳି ନଥିଲା। ଗତ ସିଜିନରେ ରାକ୍ଷୀ ସାୱନ୍ତ ବିଗ ବସ ଘରେ କାନ୍ଦୁଥିବା ଦେଖିବାକୁ ମିଳିଥିଲା ଯେ ତାଙ୍କ ସ୍ୱାମୀ ରିତେଶ ଗଣମାଧ୍ୟମ ସାମ୍ନାକୁ ଆସିନାହାଁନ୍ତି ଓ ଲୋକମାନେ ତାଙ୍କର ଉପସ୍ଥିତ ଅଛନ୍ତି କି ନାହିଁ ସେ ନେଇ ମଧ୍ୟ ସନ୍ଦେହ କରୁଛନ୍ତି।
ଏହା ସହ ରାକ୍ଷୀ ସାୱନ୍ତ କହିଥିଲେ ଯେ ସେ ୨୦୧୯ ରେ ତାଙ୍କ NRI ସ୍ୱାମୀ ରିତେଶଙ୍କୁ ବିବାହ କରିଥିଲେ। ସେ ତାଙ୍କ ବିବାହର ଫଟୋ ସୋସିଆଲ ମିଡିଆରେ ମଧ୍ୟ ପୋଷ୍ଟ କରିଥିଲେ । କିନ୍ତୁ ତାଙ୍କ ସ୍ୱାମୀଙ୍କର କୌଣସି ପୋଷ୍ଟରେ ଦେଖା ଦେଇନଥିଲେ। ଏହା ଦ୍ୱାରା ଲୋକମାନଙ୍କ ମନରେ ତାଙ୍କୁ ବିବାହ କରିଥିବା ଦାବି ଉପରେ ସନ୍ଦେହ ସୃଷ୍ଟି କରିଥିଲେ। ବିଗ୍ ବସ୍ ୧୪ ରେ ରାକ୍ଷୀଙ୍କୁ ଦର୍ଶକ ଏଣ୍ଟରଟେନମେଣ୍ଟ ଓ ଡ୍ରାମା କୁଇନ୍ ବୋଲି କହିଥିଲେ । ଶୋ ପରେ ତାଙ୍କର ଲୋକପ୍ରିୟତା ବୃଦ୍ଧି ପାଇଲା ଓ ବର୍ତ୍ତମାନ ପାପାରାଜିଙ୍କ ସହ ତାଙ୍କର ଖୁବ୍ ନିକଟତର ସମ୍ପର୍କ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
