ନୂଆଦିଲ୍ଲୀ ୦୧/୦୨: ପାକିସ୍ତାନର ଅଧିନାୟକ ବାବର ଆଜାମଙ୍କୁ ନେଇ ଏବେ ଚର୍ଚ୍ଚା ଜୋର୍ । କିଛି ପ୍ରଶଂସକ ବାବରଙ୍କୁ ବିରାଟ କୋହଲିଙ୍କ ସହ ତୁଳନା କରୁଛନ୍ତି । ଏପରିକି କିଛି ବାବର ବିରାଟଙ୍କଠୁ ଅଧିକ ଭଲ କ୍ରିକେଟର ବୋଲି କହୁଛନ୍ତି । କିନ୍ତୁ ଏସବୁ ଠିକ୍ ନୁହେଁ ବୋଲି କହିଛନ୍ତି ଭାରତୀୟ ବୋଲର ମହମ୍ମଦ ଶାମି ।
ବାବର ଆଜମ ଏବେକାର ଶ୍ରେଷ୍ଠ ଟି୨୦ ଓ ଦିନିକିଆ ବ୍ୟାଟସମ୍ୟାନ୍ । ତେବେ ଶାମି କହିଛନ୍ତି ଯେ, ବାବରଙ୍କୁ ବିରାଟଙ୍କ ସହ ତୁଳନା କରିବା ଠିକ୍ ନୁହେଁ । ବାବରଙ୍କ ପାଖରେ ଅନୁଭବ କମ ଅଛି । ବିରାଟ କୋହଲି, ଷ୍ଟିଭ୍ ସ୍ମିଥ ଓ ଜୋ ରୁଟ୍ ଅଧିକ ସକ୍ଷମ । ସେମାନେ ଦୀର୍ଘ ଦିନ ଧରି କ୍ରିକେଟ୍ ଖେଳୁଛନ୍ତି । କିନ୍ତୁ ଭବିଷ୍ୟତରେ ବାବରଙ୍କ ପାଖରେ ପାକିସ୍ତାନର ମହାନ ବ୍ୟାଟସମ୍ୟାନ୍ ହେବାର କ୍ଷମତା ରହିଛି ।
୨୦୧୫ରେ ଅନ୍ତର୍ଜାତୀୟ କ୍ରିକେଟରେ ପଦାର୍ପଣ କରିଥିଲେ ବାବର ଆଜମ । ସେ ଲଗାତର ଭାବେ ଭଲ ପ୍ରଦର୍ଶନ କରି ଆସୁଛନ୍ତି । ଏହାକୁ ନେଇ କ୍ରିକେଟ୍ ବିଶେଷଜ୍ଞ ମଧ୍ୟ ବାବରଙ୍କୁ ବିରାଟଙ୍କ ସହ ତୁଳନା କରନ୍ତି । ବାବର ପାକିସ୍ତାନ ପାଇଁ ୬ ବର୍ଷରେ ୩୭ ଟେଷ୍ଟ୍, ୮୩ ଦିନିକିଆ ଓ ୭୩ ଟି୨୦ ଖେଳିଛନ୍ତି । ବାବରଙ୍କ ଆଭରେଜକୁ ନେଇ ତାଙ୍କୁ ବିଶ୍ୱର ଶ୍ରେଷ୍ଠ ଖେଳାଳି ଭାବେ ଗଣନା କରାଯାଉଛି ।
