ନୂଆଦିଲ୍ଲୀ ୦୩/୦୭: ‘କେଜିଏଫ୍’ ଅଭିନେତା ତଥା ସାଉଥ୍ ସୁପରଷ୍ଟାର୍ ୟଶଙ୍କର ଆଜି କୌଣସି ପରିଚୟର ଆବଶ୍ୟକତା ନାହିଁ । ଏହି ଫିଲ୍ମ ସହିତ ଏକ ନୂତନ ପରିଚୟ ସୃଷ୍ଟି କରିଥିବା ୟଶଙ୍କ ଫ୍ୟାନ୍ ଫଲୋଇଙ୍ଗ୍ ଜବରଦସ୍ତ ରହିଛି । ତାଙ୍କର ଫ୍ୟାନ୍ କେବଳ ସାଉଥରେ ନୁହେଁ ବରଂ ସବୁ ସ୍ଥାନରେ ଉପସ୍ଥିତ ଅଛନ୍ତି । ୟଶଙ୍କ ଫ୍ୟାନ୍ସମାନେ ତାଙ୍କ ବୃତ୍ତିଗତ ଜୀବନ ତଥା ବ୍ୟକ୍ତିଗତ ଜୀବନ ବିଷୟରେ ଅଧିକରୁ ଅଧିକ ଜାଣିବାକୁ ଚାହିଁଥାନ୍ତି । ବର୍ତ୍ତମାନ ୟଶଙ୍କ ଫ୍ୟାନ୍ସଙ୍କ ପାଇଁ ଏକ ବଡ଼ ଖବର ଅଛି । ପ୍ରସିଦ୍ଧ କେଜିଏଫ୍ ଷ୍ଟାର ୟଶ ୫ କୋଟି ଟଙ୍କାର ଏକ ନୂତନ ବିଳାଶପୂର୍ଣ୍ଣ ବଙ୍ଗଳା କିଣିଛନ୍ତି। ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହେବାର ଲାଗିଛି।
ବାସ୍ତବରେ ସୋସିଆଲ ମିଡିଆରେ ଅଭିନେତାଙ୍କର କିଛି ଫଟୋ ଭାଇରାଲ ହେଉଛି । ଏହି ଫଟୋଗୁଡ଼ିକ ୱାର୍ଲଡୱାଇଡ୍_ୟଶ_ଫାନ୍ସ ନାମକ ଏକ ଫ୍ୟାନ୍ ପେଜରେ ସେୟାର ହୋଇଛି ।ଏହି ଫଟୋଗୁଡ଼ିକରେ ସେ ତାଙ୍କ ପରିବାର ସହିତ ପୂଜା କରୁଥିବା ଦେଖିବାକୁ ମିଳିଛି । ୟଶଙ୍କ ନୂଆ ଘରର ଫଟୋ ତାଙ୍କ ଫ୍ୟାନମାନେ ଖୁବ୍ ପସନ୍ଦ କରୁଛନ୍ତି । ଏହି ଫଟୋଗୁଡ଼ିକୁ ଲାଇକ୍ କରିବା ସହିତ ଫ୍ୟାନ୍ସମାନେ ଅଭିନେତାଙ୍କୁ ତାଙ୍କ ନୂତନ ଘର ପାଇଁ ଅନେକ ଶୁଭେଚ୍ଛା ଜଣାଉଛନ୍ତି । ଗଣମାଧ୍ୟମ ରିପୋର୍ଟ ଅନୁଯାୟୀ, ୟଶ ପ୍ରାୟ ୫୦ କୋଟି ମୂଲ୍ୟର ସମ୍ପତ୍ତିର ମାଲିକ ଅଟନ୍ତି। ଏଥି ସହିତ ବାଙ୍ଗାଲୋରରେ ତାଙ୍କର ଆଉ ଚାରି କୋଟି ମୂଲ୍ୟର ବିଳାସପୂର୍ଣ୍ଣ ବଙ୍ଗଳା ଅଛି। ଏଥି ସହିତ, ୟଶଙ୍କ ଏହି ଦ୍ୱିତୀୟ ଘର ବିଷୟରେ ବହୁତ ଚର୍ଚ୍ଚା ହେଉଛି ।
ସାମ୍ନାକୁ ଆସିଥିବା ଫଟୋଗୁଡିକରେ ତାଙ୍କ ପତ୍ନୀ ରାଧିକା ୟଶଙ୍କ ସହିତ ପୂଜା କରୁଛନ୍ତି। ତାଙ୍କ ସହିତ ୟଶଙ୍କ ବାପା-ମା ମଧ୍ୟ ନଜର ଆସିଛନ୍ତି । ଫଟୋରେ ୟଶ ଏବଂ ରାଧିକାଙ୍କ ଝିଅ ଆର୍ଯ୍ୟା ଏବଂ ପୁଅ ୟର୍ଥଭଙ୍କୁ ମଧ୍ୟ ଦେଖିବାକୁ ମିଳିଛି । ଏହି ସମୟରେ, ଘରର ଭିତର ଅଂଶ ବହୁତ ବିଳାସପୂର୍ଣ୍ଣ ଦେଖାଯାଉଛି ।
ୟଶ ତାଙ୍କ କ୍ୟାରିୟରରେ ପ୍ରାୟ ୨୦ ଟି ଫିଲ୍ମ କରିଛନ୍ତି । କେଜିଏଫ୍ ପରେ, ୟଶ ଏକ ଭିନ୍ନ ସ୍ଥିତି ହାସଲ କରିପାରିଛନ୍ତି । ବର୍ତ୍ତମାନ ଦର୍ଶକମାନେ ତାଙ୍କ କେଜିଏଫ୍ ୨ କୁ ଉତ୍ସାହର ସହିତ ଅପେକ୍ଷା କରି ରହିଛନ୍ତି ।
