ବଡ଼କେରା : ଅନୁଗୁଳ ବନଖଣ୍ଡ ପୋକୁଣ୍ଡା ସେକ୍ସନ କଲରାପତିଆ ବାଘ ଆକ୍ରମଣରେ ଜଣେ ଲୋକ ଗୁରୁତର ହୋଇଛନ୍ତି।
ସୂଚନା ଅନୁସାରେ, ମାଣିକଯୋଡ଼ି ପଞ୍ଚାୟତ କୃଷ୍ଣଚକ୍ରଗଡ଼ ଗାଁର ଜନକ ବେହେରା ଓ ନେଙ୍କୁରୀ ବେହେରା ଗୁରୁବାର ଦିନ ଗାଁ ପାଖ ଜଙ୍ଗଲକୁ ଛେଳି ଚରାଇବାକୁ ଯାଇଥିଲେ। ମଧ୍ୟାହ୍ନ ପ୍ରାୟ ୧୨ଟା ବେଳକୁ ଜଙ୍ଗଲରୁ ଏକ କଲରାପତରିଆ ବାଘ ବାହାରି ଜନକ ବେହେରା(୪୦)ଙ୍କୁ ଆକ୍ରମଣ କରିଥିଲା। ଏହା ଦେଖି ନିକଟରେ ଥିବା ନେଙ୍କୁରୀ ଦୌଡ଼ି ପଳାଇବାକୁ ଚେଷ୍ଟା କରିଥିଲେ। ଏହି ସମୟରେ ସେ ପଡ଼ିଯିବାରୁ ଗୋଡ଼ରେ ବାଉଁଶ କଣ୍ଟା ଗଳିଯିବାରୁ ସେ ଆହତ ହୋଇଥିଲେ। ଅପରପକ୍ଷରେ ବାଘ ରାମ୍ପୁଡ଼ି ଦେଇଥିବାରୁ ଜନକଙ୍କୁ ଗୁରୁତର ଆଘାତ ଲାଗିଛି। ଖବର ପାଇ ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରିବା ସହ ବନବିଭାଗକୁ ଖବର ଦେଇଥିଲେ। ପରେ ସେମାନଙ୍କୁ ଚିକିତ୍ସା ପାଇଁ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ବାଘ ଆକ୍ରମଣ କଥା ପ୍ରଚାରିତ ହେବା ପରେ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି।
