ନୂଆଦିଲ୍ଲୀ: ନାର୍କୋଟିକ୍ ଡ୍ରଗ୍ ଆଣ୍ଡ ସାଇକୋଟ୍ରୋପିକ୍ ସବଷ୍ଟାନ୍ସ ବା ଏନଡିପିଏସ୍ ଅଧିନିୟମ ଅନୁଯାୟୀ ଏକ ସ୍ୱତନ୍ତ୍ର କୋର୍ଟ ରିୟା ଚକ୍ରବର୍ତ୍ତୀଙ୍କ ବ୍ୟାଙ୍କ ଆକାଉଣ୍ଟକୁ ଡିଫ୍ରିଜ୍ କରିବାକୁ ନିର୍ଦ୍ଦେଶ ଦେଇଛନ୍ତି । ଗତ ବର୍ଷ ଜୁନରେ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ଡ୍ରଗ୍ସ ମାମଲାରେ ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ ବା ଏନସିବି ଦ୍ୱାରା ରିୟାଙ୍କ ବ୍ୟାଙ୍କ ଆକାଉଣ୍ଟ ଫ୍ରିଜ୍ ହୋଇଥିଲା । ତାଙ୍କ ବ୍ୟାଙ୍କ ଆକାଉଣ୍ଟ ବନ୍ଦ କରିବା ନେଇ ରିୟା ନିଜ ଆବେଦନରେ କହିଥିଲେ ଯେ, ‘ମୁଁ ପେଶାରେ ଜଣେ ଅଭିନେତା / ମଡେଲ । ଏନସିବି ବିନା କୌଣସି କାରଣର ନୋଟିସରେ ୧୬/୦୯/୨୦୨୦ ତାରିଖରୁ ବ୍ୟାଙ୍କ ଆକାଉଣ୍ଟ ଏବଂ ଏଫଡିଗୁଡ଼ିକୁ ଫ୍ରିଜ୍ କରିଛି, ଯାହାକି ଅନ୍ୟାୟ ।’
ତାଙ୍କ ଆବେଦନରେ କୁହାଯାଇଥିଲେ ଯେ, ତାଙ୍କ କର୍ମଚାରୀଙ୍କୁ ଦରମା ଦେବା ଓ ଜିଏସଟି ପେମେଣ୍ଟ ଇତ୍ୟାଦି ସହିତ ବିଭିନ୍ନ ଟିକସ ଦେବା ପାଇଁ ବ୍ୟାଙ୍କ ଆକାଉଣ୍ଟର ସଞ୍ଚାଳନର ଆବଶ୍ୟକତା ରହିଛି । ଅଭିନେତ୍ରୀଙ୍କ କହିବା ମୁତାବକ ବ୍ୟାଙ୍କ ଆକାଉଣ୍ଟରେ ଥିବା ପରିମାଣ ତାଙ୍କ ଜୀବନଶୈଳୀକୁ ସମର୍ଥନ କରୁଛି । ତାଙ୍କ ଭାଇ ମଧ୍ୟ ତାଙ୍କ ଉପରେ ନିର୍ଭରଶୀଳ ।
ଏନସିବିର ଅତୁଲ ସରପାଣ୍ଡେ ଏହି ଆବେଦନକୁ ବିରୋଧ କରି କହିଥିଲେ ଯେ, ଏହି ଘଟଣାରେ ଆର୍ଥିକ ଅନୁସନ୍ଧାନ ଚାଲିଛି ଏବଂ ଏହା ଏପର୍ଯ୍ୟନ୍ତ ଶେଷ ହୋଇନାହିଁ । ଯଦି ଆକାଉଣ୍ଟଗୁଡିକ ଡିଫ୍ରିଜ କରାଯାଏ ତେବେ ଏହା ଯୋଗୁଁ ତଦନ୍ତରେ ବାଧା ସୃଷ୍ଟି ହେବ । କିନ୍ତୁ ଆବେଦନକୁ ଭିତ୍ତି କରି ଉପଯୁକ୍ତ ଯାଞ୍ଚ ଓ ପରିଚୟ ପରେ ଗ୍ୟାଜେଟକୁ ‘ସୁପର୍ଟନାମ’ ରେ ରିୟାକୁ ଫେରାଇ ଦିଆଯିବ ଏବଂ ୧,୦୦,୦୦୦ ଟଙ୍କା କ୍ଷତିପୂରଣ ବଣ୍ଡ କାର୍ଯ୍ୟକାରୀ କରାଯିବ ବୋଲି କୋର୍ଟ ନିର୍ଦ୍ଦେଶ ଦେଇଛନ୍ତି
