ନୂଆଦିଲ୍ଲୀ: ଦେଶରେ ମୌସୁମୀ ବର୍ଷା ଆରମ୍ଭ ହୋଇଥିବା ବେଳେ ବିଶିଷ୍ଟ ଶିଳ୍ପପତି ରତନ ଟାଟା ଗାଡ଼ି ଚାଳକମାନଙ୍କୁ ଏକ ପରାମର୍ଶ ଦେଇଛନ୍ତି। ଗାଡ଼ିକୁ ଷ୍ଟାର୍ଟ କରିବା ପୂର୍ବରୁ ତା’ ତଳେ କ’ଣ ଅଛି ପ୍ରଥମେ ଦେଖିବାକୁ ସେ କହିଛନ୍ତି। ତାଙ୍କ ସେହି ପରାମର୍ଶ ପଛର ମହତ ଉଦ୍ଦେଶ୍ୟଟି ହେଉଛି ବର୍ଷା ଦାଉରୁ ରକ୍ଷା ପାଇବା ଲାଗି ଅନେକ ସମୟରେ ବୁଲା କୁକୁର, ବିଲେଇ ଓ ଅନ୍ୟାନ୍ୟ ଜୀବ କାର୍ ତଳେ ଆଶ୍ରୟ ନେଇଥାନ୍ତି। ସେଭଳି କୌଣସି ଜୀବ କାର୍ ତଳେ ଅଛି ନା ନାହିଁ ତାହା ନଦେଖି ଗାଡ଼ି ଷ୍ଟାର୍ଟ କରି ଚଲାଇଲେ ସେହି ଜୀବଟିର ଜୀବନ ପ୍ରତି ବିପଦ ସୃଷ୍ଟି ହୋଇଥାଏ। ସେଥିପାଇଁ ପ୍ରଥମେ ଗାଡ଼ି ତଳକୁ ଯାଞ୍ଚ କରିବା ଲାଗି ଟାଟା ଲୋକମାନଙ୍କୁ ଆହ୍ବାନ ଦେଇଛନ୍ତି। ସୋସିଆଲ ମିଡିଆ ଟ୍ବିଟର ଓ ଇନ୍ଷ୍ଟାଗ୍ରାମ୍ ଜରିଆରେ ନିଜ ଅନୁଗାମୀମାନଙ୍କୁ ରତନ ଟାଟା ଏହି ଆହ୍ବାନ ଦେଇଛନ୍ତି।
ବର୍ଷା ଦିନେ ଗାଡ଼ି ତଳେ କ’ଣ ଅଛି ପ୍ରଥମେ ଦେଖ: ରତନ ଟାଟା
