ଭୁବନେଶ୍ୱର: ଅଭିନେତା ଅନୁଭବ ମହାନ୍ତି ଓ ଅଭିନେତ୍ରୀ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ପାରିବାରିକ ବିବାଦ କୋର୍ଟରେ ଚାଲିଛି । ଉଭୟ ଉଭୟଙ୍କ ଉପରେ ଅଭିମାନ କରିଛନ୍ତି । କିଏ କାହା ସହ ଭେଟିବା ତ ଦୂରର କଥା କଥା ମଧ୍ୟ ହେଉନାହାଁନ୍ତି । ଶୁକ୍ରବାର ବର୍ଷା ପ୍ରିୟଦର୍ଶନୀଙ୍କ ଜନ୍ମ ଦିନ ଥିଲା । ବର୍ଷାଙ୍କୁ ଆଜି ଜନ୍ମଦିନର ଶୁଭେଚ୍ଛା ଜଣାଇ ଟ୍ୱିଟ୍ କରିଛନ୍ତି ଅନୁଭବ ।
ଟ୍ୱିଟ୍ କରି ବର୍ଷାଙ୍କ ଉଦ୍ଦେଶ୍ୟରେ ଅନୁଭବ ଲେଖିଛନ୍ତି- ‘ବର୍ଷା… ଆମେ ଦୁହେଁ ଭଲ ସ୍ୱାମୀ ଓ ସ୍ତ୍ରୀ ନହେଲେ କଣ ହେଲା । ଆମେ ସବୁବେଳେ ଭଲ ସାଙ୍ଗ ହୋଇ ରହି ପାରିବା । ମୁଁ ମୋ ପରିବାର, ଫ୍ୟାନ, ଶୁଭେଚ୍ଛୁଙ୍କ ପକ୍ଷରୁ ତୁମକୁ ଜନ୍ମଦିନର ଶୁଭେଚ୍ଛା ଜଣାଉଛି ।’ ମହାପ୍ରଭୁ ଶ୍ରୀ ଜଗନ୍ନାଥ ତୁମକୁ ଉତ୍ତମ ସ୍ୱାସ୍ଥ୍ୟ ସବୁବେଳେ ଖୁସିର ରଖି ସଫଳତା ଦିଅନ୍ତୁ ବୋଲି ଲେଖିଛନ୍ତି ଅନୁଭବ ।
ବର୍ଷା ଓ ଅନୁଭବଙ୍କ ମଧ୍ୟରେ ବର୍ଷାଧିକ ସମୟ ହେଲା ବିବାଦ କୋର୍ଟରେ ଚାଲିଛି । କଟକ ପରିବାର ଅଦାଲତରେ ଉଭୟଙ୍କ କାଉନସେଲିଂ ଚାଲିଥିବା ବେଳେ ଦିନ ଗଡ଼ି ଗଡ଼ି ଚାଲିଛି । ଅନ୍ୟପଟେ ଫ୍ୟାନ୍ ଅନାଇ ବସିଛନ୍ତି ପୁଣି କେବେ ଏକାଠି ହେବ ଓଲିଉଡର ଏହି ହିଟ୍ ଯୋଡ଼ି ।
