ବନ୍ଦ୍ ହୋଇଯିବ କି ଟେଲିଗ୍ରାମ୍? ଏବେ ଚିନ୍ତାରେ ପଡ଼ିଗଲେଣି ବ୍ୟବହାରକାରୀ। ଫ୍ରାନ୍ସରେ ଗିରଫ ହୋଇଛନ୍ତି ଟେଲିଗ୍ରାମ୍ର ସିଇଓ ପାଭେଲ ଦୁରଭ। ତାଙ୍କ ଗିରଫଦାରୀ ପରେ ଆରମ୍ଭ ହୋଇଛି କଳ୍ପନା ଜଳ୍ପନା।
ନୂଆଦିଲ୍ଲୀ: ଫ୍ରାନ୍ସରେ ଗିରଫ ହୋଇଛନ୍ତି ଟେଲିଗ୍ରାମ୍ର ସିଇଓ ପାଭେଲ ଦୁରଭ। ତାଙ୍କ ଗିରଫଦାରୀ ପରେ ଟେଲିଗ୍ରାମ୍ ବନ୍ଦ ହୋଇ ଯାଇପାରେ ବୋଲି କଳ୍ପନାଜଳ୍ପନା ଆରମ୍ଭ ହୋଇଛି। ମେସେଜିଂ ଆପ୍ ଟେଲିଗ୍ରାମର ପ୍ରତିଷ୍ଠାତା ଓ ସିଇଓ ପାଭେଲ୍ ଦୁରୋଭଙ୍କୁ ଗତକାଲି ଫ୍ରାନ୍ସରେ ଗିରଫ କରାଯିବା ପରେ ଏହି ଆପ୍ ବନ୍ଦ ହେବାର ଆଶଂକା ବଢିଛି । କେବଳ ଏତିକି ନୁହେଁ ଜୁଆ ଓ ମୁଣ୍ଡଜାମିନ୍ ଭଳି ବେଆଇନ୍ କାର୍ଯ୍ୟରେ ଏହି ଆପ୍ ବ୍ୟବହାର କାରାଯାଉଥିବା ଅଭିଯୋଗ ରହିଛି ।
ତେବେ ଏହାକୁ ନେଇ ଏବେ କେନ୍ଦ୍ର ସରକାରଙ୍କ ଇଲେକ୍ଟ୍ରୋନିକ୍ସ ଓ ଆଇଟି ମନ୍ତ୍ରାଳୟ ତଦନ୍ତ କରୁଛି। ଯଦି କମ୍ପାନି ବିରୋଧରେ କିଛି ବି ଠୋସ୍ ପ୍ରମାଣ ମିଳିଯାଏ ତ ଆପ୍ ବନ୍ଦ ହୋଇଯିବ।
ଏହି ଆପ୍କୁ ପ୍ଲେ ଷ୍ଟୋର୍ରୁ ହଟାଇ ଦିଆଯିବ ବୋଲି କେହି କେହି କହୁଥିବା ବେଳେ ଆଉ କିଛି ଲୋକ କହୁଛନ୍ତି ଏହା ଆପେ ଆପେ ସ୍ମାର୍ଟଫୋନ୍ରୁ ଉଡିଯିବ। ତେବେ ଏହା କେତେ ସହ ତାହା ଏପର୍ଯ୍ୟନ୍ତ ଜଣାପଡ଼ିନାହିଁ।
