ନୂଆଦିଲ୍ଲୀ ୩୦/୦୭ : ଦର୍ଶକଙ୍କ ମନୋରଞ୍ଜନ ପାଇଁ ଟିଭିରେ ଅନେକ ଡେଲି ସୋପ୍ ଏବଂ ରିଆଲିଟି ସୋ’ ଆରମ୍ଭ ହେଉଥିବାବେଳେ କିଛି ଟିଭି ସିରିଏଲ୍ ଉପରେ ତାଲା ଲଗାଯାଉଛି । ଏହି ସୋ’ଗୁଡ଼ିକ ମଧ୍ୟରୁ ଗୋଟିଏ ହେଉଛି ‘ତୁଝସେ ହେ ରାବ୍ତା’ । ଆଜି ଏହି ସୋ’ର ଶେଷ ଏପିସୋଡ୍ ସୁଟ୍ କରାଯାଇଛି । ଏହି ସୋ’ରେ ମୁଖ୍ୟ ଭୂମିକାରେ ରିମ ଶେଖ ଏବଂ ସେହବାନ୍ ଅଜିମ୍ ଏବଂ ପୂର୍ବା ଗୋଖଲେ ଅଭିନୟ କରିଛନ୍ତି।
‘ତୁଝସେ ହେ ରାବ୍ତା’ ଜୁଲାଇ ୩୧ ରେ ଅଫ୍ ଏୟର ହେଉଛି । ତେଣୁ ଆଜି ଏହି ସୋ’ର ଶେଷ ଏପିସୋଡ୍ ସୁଟ୍ କରାଯାଇଛି । ସୋ’ର ଶେଷ ଏପିସୋଡର ସୁଟିଂ କରୁଥିବାବେଳେ ସମସ୍ତ କାଷ୍ଟ ମଞ୍ଚରେ ଭାବପ୍ରବଣ ହୋଇଥିବାର ନଜର ଆସିଛନ୍ତି । ଯାହାର କିଛି ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୁଟିଂର ଶେଷ ଦିନର ଫଟୋ ରିମ-ସେହବାନଙ୍କ ଇନଷ୍ଟାଗ୍ରାମର ଫ୍ୟାନ୍ ପେଜରେ ସେୟାର କରାଯାଇଛି ।
୨୦୧୮ ଠାରୁ ଆରମ୍ଭ ହୋଇଥିବା ଏହି ସୋ’ ଟିଭିରେ ୩ ବର୍ଷ ରାଜ କଲା । ସୋ’ରେ ରିମ ଶେଖ ଏବଂ ସହବାନ୍ ଆଜିମଙ୍କ ଯୋଡିକୁ ଦର୍ଶକଙ୍କୁ ଖୁବ୍ ପସନ୍ଦ ଆସିଛି । ଏଥିସହିତ ପୂର୍ବା ଗୋଖଲେ ରିମଙ୍କ ମା’ ହୋଇ ଅନେକ ପ୍ରଶଂସା ଲାଭ କରିଛନ୍ତି। ଶୁଟିଂର ଶେଷ ଟିମ୍ ମେମ୍ବର୍ ବହୁତ ଇମୋସନାଲ୍ ଦେଖାଯାଉଛନ୍ତି । ଏଥି ସହିତ, ରଜତ ଦହିଆ, ସବିତା ପ୍ରଭୁନେ ମଧ୍ୟ ସୋ’ର ଶେଷ ଏପିସୋଡ୍ କରିବା ପରେ, ପୁରା ଟିମ୍ ଏକାଠି ଅନେକ ସ୍ମରଣୀୟ ଫଟୋ କ୍ଲିକ୍ କରିଥିଲେ ।
