ନବରଙ୍ଗପୁର, ୧ ୯ /୭: ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଝରିଗୁଡ଼ା ଗାଁରେ ଏକ ବନ୍ଦ କୋଠରୀ ମଧ୍ୟରୁ ବିବାହିତ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ସ୍ୱାମୀ ଫେରାର୍ ହୋଇଯାଇଥିବା ବେଳେ ସ୍ତ୍ରୀକୁ ସ୍ୱାମୀ ହତ୍ୟା କରି ଓଢଣୀରେ ଟାଙ୍ଗିଦେଇଥିବା ଅଭିଯୋଗ ଆଣିଛନ୍ତି ମୃତ ମହିଳାଙ୍କ ପରିବାର ଲୋକ । ଅଭିଯୁକ୍ତକୁ ଗିରଫ କରାଗଲେ ହିଁ ମୃତଦେହର ପୋଷ୍ଟମଟମ୍ କରାଯିବ ବୋଲି ଦାବି କରିଛନ୍ତି ପରିବାର ଲୋକେ । ସ୍ଥିତିକୁ ଆୟତ୍ତରେ ରଖିବା ପାଇଁ ପୋଲିସ୍ ମୁତୟନ କରାଯାଇଥିଲା ।
ପରେ ଡାବୁଗାଁ ପୋଲିସ୍ ଅଭିଯୁକ୍ତ ସୁଶିଲ ନାଗଙ୍କୁ ଗିରଫ କରି ନେବା ସମୟରେ ମୃତ ମହିଳାଙ୍କ ସମ୍ପର୍କୀୟମାନେ ଅଭିଯୁକ୍ତ ମାଡ ମାରିବା ପାଇଁ ଗୋଡାଇଥିଲେ । ଏହି ସମୟରେ ଅଭିଯୁକ୍ତକୁ ସୁରକ୍ଷା ଦେଇ ନେଉଥିବା IIC ଓ ପୋଲିସ କର୍ମଚାରୀଙ୍କୁ ଗୋଡେଇ ଗୋଡେଇ ପିଟିଥିବା ଜଣାପଡ଼ିଛି । ବର୍ତ୍ତମାନ ପର୍ଯ୍ୟନ୍ତ ମୃତଦେହ ଉଠି ପାରିନାହିଁ।
