ଭୁବନେଶ୍ୱର ୨୨/୦୭: ଭୁବନେଶ୍ୱର ଶାସ୍ତ୍ରୀ ନଗରରେ ଅଭାବନୀୟ ଘଟଣା । ବନ୍ଦ ଘରୁ ମିଳିଲା ବୃଦ୍ଧଙ୍କ ମୃତଦେହ । ଶାସ୍ତ୍ରୀ ନଗର ନିକଟରେ ଥିବା ଶନି ମନ୍ଦିର ନିକଟରୁ ମୃତଦେହ ଉଦ୍ଧାର କରିଛି ଖାରବେଳନଗର ଥାନା ପୋଲିସ । ଗତ ୫ ରୁ ୬ ଦିନ ହେବ ବୃଦ୍ଧଙ୍କ ମୃତ୍ୟୁ ହୋଇଥିବା ଜଣାପଡିଛି ।
ସୂଚନା ଥାଉକି, ଏକୁଟିଆ ଘରେ ରହୁଥିଲେ ବୃଦ୍ଧ ଜଣଙ୍କ । ତାଙ୍କର ଆଉ କେହି ସଂପର୍କୀୟ ଅଛନ୍ତି କି ନାହିଁ ତା ଜଣାପଡିନି । ତେବେ ଏହା ଆତ୍ମହତ୍ୟା ନା ହତ୍ୟା ତାହା ବି ଏଯାଏଁ ସ୍ପଷ୍ଟ ହୋଇନି । ପୋଲିସ ତଦନ୍ତ ପରେ ସବୁକିଛି ସତ ସାମ୍ନାକୁ ଆସିବ ।
