ପ୍ୟାରିସ: ଫ୍ରାନ୍ସର ଜଣେ ବ୍ୟକ୍ତି ନିଜ ସ୍ତ୍ରୀଙ୍କୁ ପ୍ରତି ରାତିରେ ନିଶା ଦେଇ ଅନ୍ୟ ଲୋକମାନଙ୍କୁ ତାଙ୍କୁ ବଳାତ୍କାର କରିବା ପାଇଁ ଆମନ୍ତ୍ରଣ କରୁଥିବା ଅଭିଯୋଗ ହୋଇଛି। ଏକ ରିପୋର୍ଟ ଅନୁସାରେ ୧୦ ବର୍ଷ ହେଲା ଅଭିଯୁକ୍ତ ଜଣକ ସ୍ତ୍ରୀଙ୍କୁ ନିର୍ଯାତନା ଦେଇ ଆସୁଛି ଏବଂ ମହିଳା ଜଣକ ଏ ପର୍ଯ୍ୟନ୍ତ ୯୨ ଥର ବଳାତ୍କାରର ଶିକାର ହୋଇଛନ୍ତି। ମହିଳାଙ୍କୁ ବଳାତ୍କାର କରିଥିବା ୫୧ ଜଣ ଲୋକଙ୍କ ବୟସ ହେଉଛି ୨୬ରୁ ୭୩ ବର୍ଷ ଭିତରେ। ଅଭିଯୁକ୍ତ ସମେତ ପୁଲିସ ସେମାନଙ୍କୁ ଗିରଫ କରିଛି। ସେମାନଙ୍କ ମଧ୍ୟରେ ଅଛନ୍ତି ଅଗ୍ନିଶମ କର୍ମଚାରୀ, ଟ୍ରକ୍ ଡ୍ରାଇଭର, ପୌର କାଉନ୍ସିଲର, ଏକ ବ୍ୟାଙ୍କର ଆଇଟି କର୍ମଚାରୀ, ଜେଲ ରକ୍ଷୀ, ଜଣେ ନର୍ସ ଓ ଜଣେ ସାମ୍ବାଦିକ। ଫ୍ରାନ୍ସର ମଜାନ-ନିବାସୀ ଅଭିଯୁକ୍ତ ଜଣକ ହେଉଛି ଡୋମିନିକ ପି। ସ୍ତ୍ରୀଙ୍କୁ ପ୍ରତିଦିନ ରାତିରେ ଖାଦ୍ୟରେ ଲୋରାଜପାମ ନାମକ ନିଶା ଔଷଧ ଦେଇ ସେ ଏହି କାମ କରିଆସୁଥିଲା। ଏହାପରେ ସେ ବଳାତ୍କାର ଦୃଶ୍ୟର ଭିଡ଼ିଓ ରେକର୍ଡିଂ କରୁଥିଲା। ଏକ ୟୁଏସ୍ବି ଡ୍ରାଇଭ୍ରେ ‘ଆବ୍ୟୁଜେସ୍’ ନାମକ ଫାଇଲ କରି ସେ ଭିଡ଼ିଓଗୁଡ଼ିକ ରଖିଥିଲା, ଯାହା ଏବେ ପୁଲିସ ହାତରେ ପଡ଼ିଛି। ୨୦୧୧ରୁ ୨୦୨୦ ଭିତରେ ବଳାତ୍କାର ଘଟଣାଗୁଡ଼ିକ ଘଟିଥିବା ପୁଲିସ ପ୍ରକାଶ କରିଛି। ସୂଚନାଯୋଗ୍ୟ ଡୋମିନିକ ସ୍ତ୍ରୀ ଫ୍ରାଙ୍କୋଇସଙ୍କୁ ବିବାହ କରିବାର ୫୦ ବର୍ଷ ହୋଇଗଲାଣି ଏବଂ ଦୁହିଙ୍କର ତିନୋଟି ସନ୍ତାନ ମଧ୍ୟ ଅଛନ୍ତି।
