ବୈତୁଲ ୩୧।୧୦ : ପ୍ରେମ ବିବାହ କରିବା ହେଲା କାଳ। ବିବାହ କରିବାରୁ ଯୁବତୀଙ୍କୁ ମିଳଲା ଦଣ୍ଡ। ଓବିସି କାଷ୍ଟର ଜଣେ ନର୍ସିଂ ଛାତ୍ରୀଙ୍କୁ ତାଙ୍କ ବାପା ଶୁଦ୍ଧି କରିବାକୁ ଯାଇ ନର୍ମଦା ନଦୀରେ ଲଣ୍ଡା କରିଛନ୍ତି। କେବଳ ସେତିକି ନୁହେଁ ଅଇଁଠା ମଧ୍ୟ ଖୁଆଇଛନ୍ତି। ଏନେଇ ଯୁବତୀ ଜଣକ ପୋସିଲଙ୍କ ଅଭିଯୋଗ କରିଛନ୍ତି। ଏଭଳି ଏକ ଅଭବାନୀୟ ଘଟଣା ଘଟିଛି ମଧ୍ୟପ୍ରଦେଶର ବୈତୁଲ ଅଞ୍ଚଳରେ।
ସୂଚନାଅନୁଯାୟୀ, ଗତ ବର୍ଷ ଆର୍ଯ୍ୟ ସମାଜ ମନ୍ଦିରରେ ୨୪ ବର୍ଷୀୟ ସାକ୍ଷୀ ଯାଦବ ଏବଂ ୨୭ ବର୍ଷୀୟ ଅମିତ ଅହିରୱାରଙ୍କ ବିବାହ ହୋଇଥିଲା। ବିବାହ ପରେ ଝିଅର ପରିବାର ଲୋକେ ଶାଶୁ ଘରକୁ ପୋଲିସ୍ ସାହାଯ୍ୟରେ ଯୁବତୀଙ୍କୁ ଘରକୁ ଆଣିଥିଲେ। ତେବେ ଅଗଷ୍ଟ ୧୮ ତାରିଖରେ ତାଙ୍କ ପିତା ତାଙ୍କୁ ନର୍ମଦା ନଦୀକୁ ନେଇ ୪ଜଣଙ୍କ ସାମ୍ନାରେ ଅର୍ଦ୍ଦ ଉଲଗ୍ନ କରି ଶୁଦ୍ଧି କରି ତାଙ୍କୁ ଲଣ୍ଡା କରି କରାଇଥିଲେ। ନଦୀରେ ବୁଡ଼ ପକାଇବା ସହ, ତାଙ୍କୁ ଅଇଁଠା ଖାଇବାକୁ ଦିଆଯାଇଥିଲା। ଅନ୍ୟ କାଷ୍ଟର ଯୁବକଙ୍କୁ ବିବାହ କରିବା ପରେ ଶୁଦ୍ଧି ନାଁରେ ତାଙ୍କ ସହ ଏଭଳି ଅତ୍ୟାଚାର କରାଯାଇଥିବା ନେଇ ଯୁବତୀ ଜଣକ ଅଭିଯୋଗ ଆଣିଛନ୍ତି।
ଏହା ସହ ଯୁବତୀ ଜଣଙ୍କ କହିଥିଲେ କି ନିଜ ସ୍ୱାମୀଙ୍କୁ ଛାଡପତ୍ର ଦେଇ ଅନ୍ୟ ଜଣଙ୍କ ସମାନ ଜାତିରେ ବିବାହ କରିବାକୁ ବାଧ୍ୟ କରାଯାଉଥିଲା । ଏହା ସହ ଏହି ମାମଲାରେ ପୋଲିସ ମଧ୍ୟ ତାଙ୍କ ବାପାଙ୍କ ସହ ମିଶିଥିବା ନେଇ ସେ ଅଭିଯୋଗ ଆଣିଛନ୍ତି। ତାଙ୍କୁ ଏବଂ ତାଙ୍କ ସ୍ୱାମୀଙ୍କୁ ଜୀବନରେ ମାରିଦେବାକୁ ଧମକ ମିଳୁଥିବା ମଧ୍ୟ ସେ କହିଛନ୍ତି। ଘଟଣାକୁ କେନ୍ଦ୍ର କରି ଯୁବତୀଙ୍କ ଅଭିଯୋଗ ଆଧାରରେ ତାଙ୍କ ବାପାଙ୍କ ସମେତ ୪ ଜଣଙ୍କ ନାଁରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
