ଢାକା: ବାଂଲାଦେଶର ପ୍ରମୁଖ ବିରୋଧୀ ଦଳ ବାଂଲାଦେଶ ଜାତୀୟତାବାଦୀ ପାର୍ଟି (ବିଏନ୍ପି) ଭାରତ ବହିଷ୍କାର ଅଭିଯାନ ଚଳାଇଛି। ଭାରତ ପ୍ରସ୍ତୁତ ସାମଗ୍ରୀର ବର୍ଜନ ଓ ଶିଳ୍ପାନୁଷ୍ଠାନଗୁଡ଼ିକୁ ବହିଷ୍କାର କରିବାକୁ ଲୋକଙ୍କୁ ମତାଉଛି। ଆଜି ବାଂଲାଦେଶର ପ୍ରଧାନମନ୍ତ୍ରୀ ଖେଖ୍ ହସିନା ଭାରତ ସପକ୍ଷରେ ଠିଆ ହୋଇ ବିରୋଧୀ ଦଳକୁ କଡ଼ା ସମାଲୋଚନା କରିଛନ୍ତି।
ଭାରତ ବିରୋଧୀ ଅଭିଯାନ ଚଳାଇଥିବା ବିଏନ୍ପି ନେତାଙ୍କ ନୈତିକତା ଉପରେ ପ୍ରଶ୍ନ ଉଠାଇ ପ୍ରଧାନମନ୍ତ୍ରୀ ହସିନା କହିଛନ୍ତି ଯେ ଯଦି ସେମାନେ ବାସ୍ତବରେ ଭାରତର ସାମଗ୍ରୀକୁ ବହିଷ୍କାର କରିବାକୁ ଚାହାନ୍ତି ତେବେ ସେମାନେ ସେମାନଙ୍କ ପତ୍ନୀଙ୍କ ଭାରତୀୟ ଶାଢ଼ିଗୁଡ଼ିକୁ ପ୍ରଥମେ ଜାଳି ଦିଅନ୍ତୁ। ଏକ ସାଧାରଣ ସଭାରେ ନିଜର ବକ୍ତବ୍ୟରେ ସେ ବିରୋଧୀ ଦଳଙ୍କ ଏଭଳି ଭାରତ ବିରୋଧୀ ଆଭିମୁଖ୍ୟକୁ ସମାଲୋଚନା କରି ସେ କହିଛନ୍ତି ଯେ ଯଦି ଭାରତୀୟ ମସଲା, ଲଙ୍କା ମରିଚ ଆଦି ବିନା ସେମାନେ (ବିରୋଧୀ) ଖାଦ୍ୟ ପ୍ରସ୍ତୁତ କରିପାରିବେ ତେବେ ବହିଷ୍କାର କରନ୍ତୁ।
ସୂଚନାଯୋଗ୍ୟ ଚଳିତ ବର୍ଷ ନିର୍ବାଚନରେ ସେକ୍ ହସିନା ୨୯୯ ଆସନରୁ ୨୧୬ ଆସନରେ ବିଜୟଲାଭ କରି କ୍ରମାଗତ ଭାବେ ୫ମ ଥର ପାଇଁ ବାଂଲାଦେଶର ପ୍ରଧାନମନ୍ତ୍ରୀ ହୋଇଛନ୍ତି। ନିଜର ପ୍ରଧାନମନ୍ତ୍ରିତ୍ବ ସମୟରେ ଭାରତ ସହ ଉତ୍ତର ବନ୍ଧୁତା ପାଇଁ ସେ ସର୍ବଦା ଚର୍ଚ୍ଚାରେ ରହି ଆସିଛନ୍ତି।
