ଭୁବନେଶ୍ୱର ୧୬/୦୩: ଶରୀରକୁ ଫିଟ୍ ଏବଂ ସୁସ୍ଥ ରଖିବା ପାଇଁ ସାଇକେଲ୍ ଚଲାଇବା ହେଉଛି ସର୍ବୋତ୍ତମ ବିକଳ୍ପ । ବିଶେଷଜ୍ଞଙ୍କ ଅନୁଯାୟୀ ସାଇକେଲ ଚଲାଇବା ଏକ ବ୍ୟାୟାମ ଭାବରେ କାମ କରିଥାଏ । ଏହାଦ୍ୱାରା ସମଗ୍ର ଶରୀର ଭଲ କାମ କରିଥାଏ ଏବଂ ବିଭିନ୍ନ ରୋଗରୁ ମଧ୍ୟ ରକ୍ଷା କରିଥାଏ । ଶାରୀରିକ ଏବଂ ମାନସିକ ବିକାଶରେ ମଧ୍ୟ ସାହାଯ୍ୟ କରିଥାଏ । କୌଣସି ବ୍ୟାୟାମ ଅପେକ୍ଷା ସାଇକେଲ ଚଲାଇବା ବହୁତ ସହଜ ଅଟେ । ଏହାକୁ ଚଲାଇବା ଦ୍ୱାରା ମାଂସପେଶୀ ମଜବୁତ ହୋଇଥାଏ । ଏହା ବ୍ୟତୀତ ପେଟ୍ରୋଲ କିମ୍ବା ଡିଜେଲ ବଦଳରେ ଏହାକୁ ପାଦରେ ପେଡାଲ ମାରିବାକୁ ପଡିଥାଏ ଯାହାଦ୍ୱାରା ପରିବେଶର କୌଣସି କ୍ଷତି ମଧ୍ୟ ହୋଇନଥାଏ ।
ଏକ ଅନୁସନ୍ଧାନ ଅନୁଯାୟୀ, ୧ ସପ୍ତାହ କ୍ରମାଗତ ବ୍ୟାୟାମ କରିବା ଦ୍ୱାରା ପ୍ରାୟ ୨୦୦୦ କ୍ୟାଲୋରୀ କମିଥାଏ କିନ୍ତୁ ପ୍ରତିଦିନ ୧ ଘଣ୍ଟା ସାଇକେଲ ଚଲାଇବା ଦ୍ୱାରା ପ୍ରାୟ 300 କ୍ୟାଲୋରୀ କମିଥାଏ । ତେଣୁ ଆପଣ କମ୍ ସମୟ ଏବଂ ପରିଶ୍ରମରେ ସାଇକେଲ୍ ଚଳାଇ ଓଜନ ହ୍ରାସ କରିପାରିବେ । ଅନ୍ୟାନ୍ୟ ଅନୁସନ୍ଧାନ ଅନୁଯାୟୀ, ଦୈନିକ ୩୦ ମିନିଟ୍ ସାଇକେଲ ଚଳାଇବା ଦ୍ୱାରା ୧ ବର୍ଷରେ ପ୍ରାୟ ୫ କିଲୋଗ୍ରାମ ଓଜନ ହ୍ରାସ କରାଯାଇପାରିବ । ଯେଉଁମାନେ ଦୀର୍ଘ ସମୟ ପରେ ପୁନର୍ବାର ସାଇକେଲ ଚଳାଉଛନ୍ତି, ପ୍ରାରମ୍ଭରେ ୩୦ ମିନିଟ୍ ପାଇଁ ସାଇକେଲ୍ ଚଳାନ୍ତୁ । ଏହା ବ୍ୟତୀତ, ଅନୁସନ୍ଧାନ ଅନୁଯାୟୀ, ଦୈନିକ ୧ ଘଣ୍ଟା ସାଇକେଲ ଚଲାଇବା ଦ୍ୱାରା ପ୍ରାୟ ୩୦୦ କ୍ୟାଲୋରୀ କମିଯାଏ । ତେଣୁ ମୋଟାପଣ ହ୍ରାସ କରିବା ପାଇଁ ୩୦ ରୁ ୬୦ ମିନିଟ୍ କରି ସାଇକେଲ ଚଳାଇବା ଉଚିତ୍ ।
ସାଇକେଲ୍ ଚଳାଇବାର ଅନ୍ୟ ଫାଇଦା :
ହୃତପିଣ୍ଡ ସୁସ୍ଥ ରହିବ :
ସାଇକେଲ ଚଲାଇବା ଦ୍ୱାରା ହୃତପିଣ୍ଡ ଏବଂ ଫୁସଫୁସ୍ ସୁସ୍ଥ ରହିଥାଏ । ଶରୀରରେ ଭଲ ରକ୍ତ ସଞ୍ଚାଳନ ହେତୁ ରକ୍ତଚାପ ନିୟନ୍ତ୍ରଣ ରହିଥାଏ । ହୃଦଘାତ ଏବଂ ହୃତପିଣ୍ଡ ଜନିତ ରୋଗ ହେବାର ଆଶଙ୍କା କମ୍ ଥାଏ ।
ଡାଇବେଟିଜରୁ ମୁକ୍ତି :
ଏକ ଅନୁସନ୍ଧାନ ଅନୁଯାୟୀ, ଦୈନିକ ୩୦ ମିନିଟ୍ ସାଇକେଲ ଚଳାଇବା ଦ୍ୱାରା ଡାଇବେଟିଜ୍ ହେବାର ଆଶଙ୍କା ୪୦ ପ୍ରତିଶତ କମିଯାଏ । ଏହା ବ୍ୟତୀତ, ଡାଇବେଟିଜରେ ପୀଡିତ ଲୋକଙ୍କୁ ଏହାକୁ ନିୟନ୍ତ୍ରଣ କରିବାର ଶକ୍ତି ପାଇଥା’ନ୍ତି ।
ମାନସିକ ଶାନ୍ତି ମିଳିଥାଏ :
ଦୈନିକ ସାଇକେଲ ଚଳାଇବା ଦ୍ୱାରା ମସ୍ତିଷ୍କ ଭଲ କାମ କରିଥାଏ । ମାନସିକ ଚିନ୍ତା ଦୂର କରିବାରେ ସାହାଯ୍ୟ କରିଥାଏ । ଏଥି ସହିତ ଅନିଦ୍ରା ସମସ୍ୟା ମଧ୍ୟ ଦୂରକରିଥାଏ ।
ଓଜନ ହ୍ରାସ କରିଥାଏ :
ମୋଟାପଣ ଥିବା ଲୋକଙ୍କ ପାଇଁ ସାଇକେଲ ଚଳାଇବା ସର୍ବୋତ୍ତମ ବିକଳ୍ପ । ଏହାଦ୍ୱାରା ମେଟାବୋଲିଜିମର ଶକ୍ତି ବଢାଇବା ସହିତ ମାଂସପେଶୀ ମଜବୁତ ହୋଇଥାଏ ।
