ନୂଆଦିଲ୍ଲୀ ୨୫/୦୭: ମର୍ମନ୍ତୁଦ ସଡକ ଦୁର୍ଘଟଣା । ଦୁର୍ଘଟଣାର ଶିକାର ହେଲା ଡବଲ ଡେକର୍ ବସ୍ । ୮ ମୃତ । ଏପରି ଅଭାବନୀୟ ଘଟଣା ଘଟିଛି ଉତ୍ତର ପ୍ରଦେଶର କଟରା ଥାନା ନିକଟବର୍ତ୍ତୀ ନାରାୟଣପୁର ଗ୍ରାମରେ ।
ସୂଚନାନୁସାରେ, ନାରାୟଣପୁର ଗ୍ରାମ ଦେଇ ଯାଇଥିବା ପୂର୍ବାଞ୍ଚଳ ଏକ୍ସପ୍ରେସ ଓ୍ୱେରେ ଏହି ଦୁର୍ଘଟଣା ଘଟିଛି । ଏଥିରେ ୮ ଜଣ ପ୍ରାଣ ହରାଇଥିବା ବେଳେ ୧୨ରୁ ଅଧିକ ଜଣ ଆହତ ହୋଇଛନ୍ତି । ଘଟଣାସ୍ଥଳରେ ପୋଲିସ ପହଁଚି ମୃତାହତଙ୍କୁ ହସ୍ପିଟାଲରେ ଭର୍ତ୍ତି କରିଛି ।
କୁହାଯାଉଛି ଯେ, ଡବଲ ଡେକର ବସଟି ଶୁକ୍ରବାର ବିହାରରୁ ଦିଲ୍ଲୀ ବାହାରିଥିଲା । ଏହି ସମୟରେ ଆଉ ଏକ ଡବଲ ଡେକର ବସ ଏହାକୁ ଧକ୍କା ଦେଇଥିଲା । ଫଳରେ ଏତେବଡ ଦୁର୍ଘଟଣା ହୋଇଥିଲା । ତେବେ ଗୁରୁତର ହୋଇଥିବା ଯାତ୍ରୀଙ୍କୁ ଲକ୍ଷ୍ନୌ ଟ୍ରାମା ସେଣ୍ଟରରେ ଭର୍ତ୍ତି କରାଯାଇଛି ।
ସୂଚନାଯୋଗ୍ୟ, ଅଧିକାଂଶ ଡବଲ ଡେକର ବସ୍ ପୂର୍ବାଞ୍ଚଳ ଏକ୍ସପ୍ରେସ ଓ୍ୱେ ଦେଇ ଯାତାୟତ କରିଥାଏ । ଶୁକ୍ରବାର ମଧ୍ୟ ଅନେକ ବସ ଏଠାରେ ଚଳପ୍ରଚଳ କରୁଥିଲା । ତେବେ ଏଧିକାଂଶ ଦୁର୍ଘଟଣା ଦ୍ରୁତ ଗତି ଯୋଗୁଁ ହେଉଥିବା ଦେଖିବାକୁ ମିଳୁଛି ।
