ଛେଣ୍ଡିପଦା: ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ଅନ୍ତର୍ଗତ ଡଙ୍ଗାପାଳ ଗ୍ରାମର ସ୍ୱାମୀ ଓ ସ୍ତ୍ରୀ ଶୋଇଥିଲା ବେଳେ ପୂର୍ବଶତ୍ରୁତାକୁ କେନ୍ଦ୍ର କରି ପଡ଼ୋଶୀ ପରିବାର ସଂଘବଦ୍ଧ ଭାବେ ଆକ୍ରମଣ କରିଥିବାର ଖବର ମିଳିଛି। ଗୁରୁତର ଅବସ୍ଥାରେ ଉଭୟେ ଛେଣ୍ଡିପଦା ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଥିଲେ।
ମିଳିଥିବା ସୂଚନା ଅନୁଯାୟୀ, ଗତକାଲି ରାତି ୧୧ ଟାରେ ଗୋପାଳ ନାଏକ(୪୫) ଓ ତାଙ୍କ ପତ୍ନୀ ଚାରୁ(୪୧) ଖାଇପିଇ ଶୋଇବାକୁ ଯାଉଥିଲେ। ଏହି ସମୟରେ ପଡ଼ୋଶୀ ଟିହାଁ ନାଏକ(୨୧), ତାଙ୍କ ବାପା ପୁନିଆ ନାଏକ(୪୦), ଅଜା ମୁଳିଆ ନାଏକ(୫୯), ସମ୍ପର୍କୀୟ ସଚି ନାଏକ(୪୮)ଓ ତାଙ୍କ ପୁଅ ସୁମନ୍ତ ସଂଘବଦ୍ଧ ଭାବେ ଟାଙ୍ଗିଆ ଓ ଠେଙ୍ଗା ଧରି ଗାଳିଗୁଲଜ ସହିତ ଗୋପାଳ ଓ ଚାରୁଙ୍କୁ ଆକ୍ରମଣ କରିଥିଲେ। ଘଟଣାରେ ଗୁରୁତର ଆହତ ହୋଇ ଛେଣ୍ଡିପଦା ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ପରେ ଗୋପାଳ ଥାନାରେ ଅଭିଯୋଗ କରିଥିଲେ। ପୁଲିସ ଘଟଣାର ତଦନ୍ତ ଆରମ୍ଭ କରିଛି।
