ବରେଲୀ : ଉତ୍ତର ପ୍ରଦେଶର ଖେରୀ ଜିଲ୍ଲାରେ କାଶୀ କାଶ୍ୟପ ନାମକ ଜଣେ ଚାଷୀ ନିଜ ପୁଅର ହତ୍ୟାକାରୀକୁ ଜାମିନରେ ଆଣି ହତ୍ୟା କରିଛି। ନିହତ ଯୁବକର ନାମ ହେଉଛି ଶତ୍ରୁଧନ ଲାଲା। ପୁଲିସ ସୂତ୍ରରୁ ପ୍ରକାଶ ଯେ କାଶ୍ୟପର ପୁଅ ଜିତେନ୍ଦ୍ରକୁ ହତ୍ୟା କରିଥିବା ଅଭିଯୋଗରେ ଲାଲା ଜେଲ ଯାଇଥିଲା। ଲାଲାକୁ ଜାମିନରେ ଆଣିବା ଲାଗି କାଶ୍ୟପ ଜଣେ ଆଡଭୋକେଟଙ୍କୁ ନିୟୋଜିତ କରିଥିଲା। ଗତମାସ ଲାଲା ଜାମିନରେ ଜେଲରୁ ବାହାରିବା ପରେ ତାକୁ ହତ୍ୟା କରିବା ଲାଗି କାଶ୍ୟପ ସୁଯୋଗରେ ଥିଲା। ଗତ ସପ୍ତାହ ଲାଲାକୁ କାଶ୍ୟପ ଗୁଳି କରି ହତ୍ୟା କରିବା ପରେ ଫେରାର ହୋଇଯାଇଛି।
ସୂଚନାଯୋଗ୍ୟ ଯେ କାଶ୍ୟପର ପତ୍ନୀ ସହିତ ଲାଲାର ଅନୈତିକ ସଂପର୍କ ଦେଖିଥିବାରୁ ୧୪ ବର୍ଷୀୟ ଜିତେନ୍ଦ୍ରକୁ ତାର ମାଆ ଓ ଲାଲା ମିଶି ହତ୍ୟା କରିଥିଲା। ଏହି ମାମଲାରେ ଜିତେନ୍ଦ୍ରର ମାଆ (କାଶ୍ୟପର ପତ୍ନୀ) ଓ ଲାଲା ଜେଲ ଯାଇଥିଲେ। ପୁଅ ହତ୍ୟାକାରୀ କାଶ୍ୟପର ପତ୍ନୀ ଏବେ ବି ଜେଲରେ ରହିଛି।
