ଭଦ୍ରକ ୨୩।୧୧ : ପୁଣି ତେଜିଲାଣି ମେଡିକାଲ କଲେଜ ପ୍ରତିଷ୍ଠା ଦାବି । ଭଦ୍ରକ ଜିଲ୍ଲାର ମେଡିକାଲ କଲେଜ ପ୍ରତିଷ୍ଠା ଦାବି ନେଇ ସାମ୍ବାଦିକ ସମ୍ମିଳନୀ ଆୟୋଜନ କରିଛି ମେଡିକାଲ କଲେଜ ସଂଗ୍ରାମୀ ସେନା । ଭଦ୍ରକ ସହରର ଭାଗବତ କଲ୍ୟାଣ ମଣ୍ଡପରେ ଆୟୋଜିତ ସାମ୍ବାଦିକ ସମ୍ମିଳନୀରେ ବହୁ ବୁଦ୍ଧିଜୀବୀ ଅଂଶଗ୍ରହଣ କରିଛନ୍ତି ।
ସାମ୍ବାଦିକ ସମ୍ମିଳନୀରେ ଆବାହକଙ୍କ ଅନୁଯାୟୀ, ଜିଲ୍ଲା ମୁଖ୍ୟ ଡାକ୍ତରଖାନାରେ ଡାକ୍ତର ଅଭାବ ସହ ଭିତ୍ତିଭୂମିର ମଧ୍ୟ ଅଭାବ ରହିଛି । ଚିକିତ୍ସା ପାଇଁ ବହୁ ଦାମୀ ମେସିନ ଥିଲେ ମଧ୍ୟ ସେଗୁଡିକ ରୋଗୀଙ୍କ ପାଇଁ କାମରେ ଲାଗି ପାରୁନାହିଁ । ଜିଲ୍ଲା ମେଡିକାଲ ଉପରେ ଆଖ ପାଖ ଜିଲ୍ଲାର ଅନେକ ଲୋକେ ନିର୍ଭରଶୀଳ କରନ୍ତି । ତେଣୁ ରାଜ୍ୟ ସରକାରଙ୍କୁ ଏହି ଦାବି ଉପରେ ବିଚାର ପାଇଁ ଅନୁରୋଧ କରିଛି ସଂଗ୍ରାମୀ ସେନା ।
