ନୂଆଦିଲ୍ଲୀ, ୦୭/୦୬: ସନରାଇଜର୍ସ ହାଇଦ୍ରାବାଦ ବୋଲର ଉମରାନ ମଲ୍ଲିକଙ୍କ ବୋଲିଂ ସମସ୍ତଙ୍କୁ ଆକୃଷ୍ଟ କରିଛି । ସେ ଆଇପିଏଲ-୨୦୨୨ରେ ଦମଦାର ବୋଲିଂ କରି ୧୪ ମ୍ୟାଚରୁ ୨୨ ଓ୍ୱିକେଟ୍ ନେଇଥିଲେ । ସେ ପୁରା ସିଜିନରେ ଘଣ୍ଟାପ୍ରତି ୧୫୦ କିମି ବେଗରେ ବୋଲିଂ କରିଥିଲେ ।
ଉମରାନଙ୍କ ବୋଲିଂକୁ ଫ୍ୟାନଙ୍କ ସହ କ୍ରିକେଟ ବିଶେଷଜ୍ଞ ମଧ୍ୟ ପ୍ରଶଂସା କରୁଛନ୍ତି । ପୂର୍ବତନ ଅଷ୍ଟ୍ରେଲିଆ ବୋଲର ବ୍ରେଟ୍ ଲି ଉମାରନଙ୍କୁ ପାକିସ୍ତାନ କ୍ରିକେଟର ଓ୍ୱକାର ୟୁନୁସଙ୍କ ସହ ତୁଳନା କରିଥିଲେ । ଏବେ ଉମରାନ ଏହାକୁ ନେଇ ନିଜର ପ୍ରତିକ୍ରିା ରଖିଛନ୍ତି ।
ଉମରାନ୍ କହିଛନ୍ତି ଯେ, ସେ କେବେ ବି ଓ୍ୱକାର ୟୁନୁସଙ୍କୁ ଅନୁକରଣ କରିନାହାଁନ୍ତି । ତାଙ୍କ ପାଖରେ ନାଚ୍ୟୁରାଲ ପ୍ରୋସେସ୍ ଅଛି । ତାଙ୍କ ଆଦର୍ଶ ଦେଉଛନ୍ତି ଜସପ୍ରିତ ବୁମରାହ, ମହମ୍ମଦ ସାମି ଓ ଭୁବନେଶ୍ୱର କୁମାର । ସେ ଆରମ୍ଭରେ ଏହି ଷ୍ଟାର ବୋଲରଙ୍କୁ ଫଲୋ କରୁଛନ୍ତି ।
ସେ ଆହୁରି କହିଛନ୍ତି ଯେ, ସେ ଦେଶ ପାଇଁ ସର୍ବଶ୍ରେଷ୍ଠ ପ୍ରଦର୍ଶନ କରିବାକୁ ଚାହୁଁଛନ୍ତି । ତାଙ୍କୁ ଦକ୍ଷିଣ ଆଫ୍ରିକା ବିପକ୍ଷ ଟି୨୦ ସିରିଜରେ ସୁଯୋଗ ମଳିଛି । ନିଜ ଦମରେ ସେ ଭାରତକୁ ମ୍ୟାଚ୍ ଜିତାଇବାକୁ ଚାହାଁନ୍ତି । ସେ ଆଇପିଏଲ ପରେ ଅଳ୍ପ ବ୍ୟସ୍ତ ଥିଲେ ମଧ୍ୟ ଅଭ୍ୟାସ କରିବାକୁ କେବେ ଭୁଲି ନଥିବା କହିଛନ୍ତି ।
ସୂଚନାଯୋଗ୍ୟ, ବ୍ରେଟ୍ ଲି ନିକଟରେ କହିଥିଲେ ଯେ, ସେ ଉମରାନଙ୍କ ବଡ ଫ୍ୟାନ୍ ଅଟନ୍ତି । ତାଙ୍କ ପାଖରେ ବ୍ୟାଟରଙ୍କୁ ଘାଇଲା କରିବାର ଦକ୍ଷତା ରହିଛି । ଉମାରନଙ୍କୁ ଦେଖିଲେ ଓ୍ୱକାର ୟୁନୁସଙ୍କ କଥା ମନେପଡେ । ସେ ମଧ୍ୟ ଉମରାନଙ୍କ ଭଳି ବୋଲିଂ କରୁଥିଲେ ।
