ମୁମ୍ବାଇ ୦୨/୦୩: ପାକିସ୍ତାନୀ ଅଭିନେତ୍ରୀ ମାହିରା ଖାନ ନିକଟରେ ଇନଷ୍ଟାଗ୍ରାମରେ ବିଜ୍ଞାପନର ଏକ ଭିଡିଓ ସେୟାର କରିଛନ୍ତି । ଏହି ଟିଭି କମରର୍ଶିୟଲକୁ ସେୟାର କରି ମାହିରା ଲେଖିଛନ୍ତି, ‘ପିୟୋର ମ୍ୟାଙ୍ଗୋ ପ୍ଲେଜର’ । ଏବେ ଏହି ବିଜ୍ଞାପନକୁ ନେଇ ଭାରତୀୟ ସୋସିଆଲ ମିଡିଆ ୟୁଜର୍ସ ମାହିରାଙ୍କୁ ଖୁବ୍ ଟ୍ରୋଲ କରୁଛନ୍ତି । ବାସ୍ତବରେ, ବଲିଉଡ ଫିଲ୍ମରେ ଅଂଶୀଦାରୀ ହୋଇ ସାରିଥିବା ମାହିରା ଖାନ ନିଜ ଇନଷ୍ଟାଗ୍ରାମରେ ଏକ ବିଜ୍ଞାପନ ସେୟାର କରିଛନ୍ତି ଯେଉଁଥିରେ ସେ ମ୍ୟାଙ୍ଗୋ କୋଲ୍ଡ ଡ୍ରିଙ୍କ୍ ପିଉଥିବାର ନଜର ଆସିଛନ୍ତି । ଏହି ବିଜ୍ଞାପନରେ ମାହିରା ସୁନ୍ଦର ଦେଖାଯାଉଛନ୍ତି ସତ, କିନ୍ତୁ ଭାରତୀୟ ସୋସିଆଲ ମିଡିଆ ୟୁଜର୍ସ ମହିରାଙ୍କୁ ଖୁବ୍ ଟ୍ରୋଲ କରୁଛନ୍ତି । ଏହାର କାରଣ ହେଉଛି ଏହି ବିଜ୍ଞାପନ ଠିକ୍ ସେହିପରି ଶୁଟ୍ କରାଯାଇଛି ଯେପରି ଭାରତୀୟ ବିଜ୍ଞାପନ ପାଇଁ କ୍ୟାଟ୍ରିନାଙ୍କ ଆଡ୍ ଶୁଟ୍ କରାଯାଇଥିଲା ।
କେବଳ ଏତିକି ନୁହେଁ, ଏହି ଭିଡିଓରେ ମାହିରାଙ୍କ ଡ୍ରେସ୍ ଏବଂ କୋଲ୍ଡ ଡ୍ରିଙ୍କ୍ ପିଇବାର ଶୈଳୀ ଠିକ୍ କ୍ୟାଟ୍ରିନାଙ୍କ ଭଳି ଦେଖାଯାଉଛି । ଏହି ଭିଡିଓ ଦେଖିବା ପରେ ଫ୍ୟାନ୍ସମାନେ ମାହିରାଙ୍କୁ ଟ୍ରୋଲ୍ କରିବା ଆରମ୍ଭ କରିଥିଲେ । ଫ୍ୟାନ୍ସମାନେ କହିଛନ୍ତି ଯେ ମାହିରା କ୍ୟାଟ୍ରିନା କୈଫଙ୍କୁ କପି କରୁଛନ୍ତି । ଜଣେ ୟୁଜର୍ସ ‘ପାକିସ୍ତାନର କ୍ୟାଟ୍ରିନା’ ଲେଖିଥିବା ବେଳେ ଆଉ ଜଣେ ‘ନିଜକୁ କ୍ୟାଟ୍ରିନା ଭାବ ନାହିଁ’ ବୋଲି ଲେଖିଥିଲେ । ଭାରତୀୟ ଅଭିନେତ୍ରୀ କ୍ୟାଟ୍ରିନା କୈଫଙ୍କ ଏହି ଭିଡିଓ ଦେଶରେ ଖୁବ୍ ହିଟ୍ ହୋଇଥିଲା । ଗ୍ରୀଷ୍ମ ଋତୁ ଆସିବା ପରେ କ୍ୟାଟ୍ରିନାଙ୍କ ଏହି ଆଡ୍ ପ୍ରସାରିତ ହୋଇଥାଏ, ଯାହାକୁ ଦର୍ଶକମାନେ ଖୁବ ପସନ୍ଦ କରିଥାନ୍ତି ।
ମାହିରା ଖାନ ଶାହରୁଖ ଖାନଙ୍କ ସହ ଫିଲ୍ମ ’ରଇସ୍’ରେ ନଜର ଆସିଥିଲେ । ଏହା ବ୍ୟତୀତ ରଣବୀର କପୁରଙ୍କ ସହ ସିଗାରେଟ ଟାଣୁଥିବାର ପଟୋ ମଧ୍ୟ ଅନେକ ଚର୍ଚ୍ଚା ହୋଇଥିଲା । ତେବେ ଭାରତ ଉପରେ ଆକ୍ରମଣ ପରେ ପାକିସ୍ତାନୀ କଳାକାର ମାନଙ୍କୁ ଭାରତରେ କାମ ଦେବା ପାଇଁ ବିରୋଧ କରାଯାଇଥିଲା ।
