ଭୁବନେଶ୍ୱର ୧୭।୦୭ : ପଳାଶୁଣୀ ମାନସ ହତ୍ୟାକାଣ୍ଡ ମାମଲା । ଏହି ଚର୍ଚ୍ଚିତ ହତ୍ୟାକାଣ୍ଡ ମାମଲାରେ ତିନି ଜଣଙ୍କୁ ଗିରଫ କରିଛି କମିଶନରେଟ୍ ପୋଲିସ । ତିନି ଅଭିଯୁକ୍ତଙ୍କୁ ଗିରଫ କରିଛି ମଞ୍ଚେଶ୍ୱର ଥାନା ପୋଲିସ । ଏନେଇ ଭୁବନେଶ୍ୱର ଡିସିପି ପ୍ରତୀକ ସିଂହଙ୍କ ସୂଚନା ।
ଖବର ଅନୁଯାୟୀ, ଗତ ମାର୍ଚ୍ଚ ମାସରେ ବିଏମ୍ସିର ଏକ ଅଳିଆ ପ୍ଲାଣ୍ଟରେ ମାନସଙ୍କୁ ହତ୍ୟା କରି ତା ଉପରେ ଭଙ୍ଗା ଇଟା ଘୋଡାଇ ଫେରାର ହୋଇଯଇଥିଲେ ଦୁର୍ବୃତ୍ତ । ପୋଲିସ ଘଟଣାସ୍ଥଳରୁ ମୃତଦେହକୁ ଜବତ କରି ଛାନ୍ଭିନ୍ ଆରମ୍ଭ କରିଥିଲା । ଏପିରିକି ଅଭିଯୁକ୍ତମାନଙ୍କୁ ଧରିବା ପାଇଁ ଏକ ସ୍ୱତନ୍ତ୍ର ପୋଲିସ ଟିମ୍ ଗଠନ କରାଯାଇଥିଲା । ଆଉ ଏବେ ହତ୍ୟାକାଣ୍ଡରେ ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି ମଞ୍ଚେଶ୍ୱର ଥାନା ପୋଲିସ । ଘଟଣାରେ ଆଉ କିଏ କିଏ ସାମିଲ ଅଛନ୍ତି । ନା ଏହି ତିନି ଜଣ ହିଁ ଏହି ହତ୍ୟାକାଣ୍ଡରେ ସଂପୃକ୍ତି ଅଛନ୍ତି । ସେନେଇ ଖୋଲତାଡ଼ କରୁଛି କମିଶନରେଟ୍ ପୋଲିସ ।
