ଭଦ୍ରକ,୧୨/୧୨: ଗଛରେ ଦିଶୁଛି ଶଙ୍ଖ, ଚକ୍ର, ଗଦା ଓ ପଦ୍ମ ପ୍ରତିକୃତି । ଏହି ଦୃଶ୍ୟ ଦେଖିବା ପରେ ଗଛ ନିକଟରେ ଭିଡ଼ ଜମିଛି । ପୂଜାର୍ଚ୍ଚନା ଆରମ୍ଭ କଲେଣି ସ୍ଥାନୀୟ ଲୋକେ ।
ସୂଚନା ଅନୁସାରେ, ଭଦ୍ରକ ଜିଲ୍ଲା ଭଣ୍ଡାରିପୋଖରୀ ବ୍ଲକ ନିର୍ଗୁଣ୍ଡି ପଞ୍ଚାୟତ ମହୁରା ଗାଁରେ ଏମିତି ଘଟଣା ସାମ୍ନାକୁ ଆସିଛି । ମହୁରା ଗାଁର ନରହରି ମିଶ୍ରଙ୍କ ବାଡ଼ିରେ ବହୁ ପୁରୁଣା ନିମ୍ବ ଗଛ ରହିଛି । ପରିବାର ଲୋକେ ଗଛକୁ ପ୍ରତ୍ୟେକ ଦିନ ପୂଜା କରନ୍ତି । ଏବେ ଗଛରେ ଶଙ୍ଖ , ଚକ୍ର , ଗଦା ଓ ପଦ୍ମ ଆକୃତିର ଚିହ୍ନ ଦେଖାଯାଉଥିବା ଲୋକେ କହିଛନ୍ତି ।
ଏହି ଘଟଣା ପ୍ରସାରିତ ହେବା ପରେ ଲୋକେ ଗଛ ମୂଳ ରେ ପୂଜାର୍ଚ୍ଚନା ଆରମ୍ଭ କରିଛନ୍ତି । ସ୍ଥାନୀୟ ଲୋକେ ଗଛ ଦେଖିବା ପାଇଁ ଭିଡ଼ ଜମାଇଛନ୍ତି ।
