ନୂଆଦିଲ୍ଲୀ ୨୮/୦୪: ପ୍ରିୟଙ୍କା ଚୋପ୍ରା ଜଣେ ସରଳ ଝିଅ ଥିଲେ, କିନ୍ତୁ ଆଜି ସେ ଜଣେ ବିଶ୍ୱସ୍ତରୀୟ ଆଇକନ୍, ସୁପରଷ୍ଟାର ଏବଂ ଓସ୍କାର ଦ୍ୱାରା ମନୋନୀତ ନିର୍ମାତା । ଦର୍ଶକମାନେ ପ୍ରିୟଙ୍କାଙ୍କୁ ଖୁବ୍ ଭଲ ପାଆନ୍ତି ସତ କିନ୍ତୁ ଇଣ୍ଡଷ୍ଟ୍ରୀରେ ତାଙ୍କର ନାମ ତାଙ୍କ ପରିବାରର ଅନ୍ୟ ସଦସ୍ୟମାନଙ୍କୁ କୌଣସି ସହଯୋଗ କରିପାରିନାହିଁ । ଏବେ ବି ବଲିଉଡରେ ପରିଣିତି ଚୋପ୍ରା ନିଜର ପରିଚୟ ସୃଷ୍ଟି କରୁଛନ୍ତି କିନ୍ତୁ ତାଙ୍କ ପୂର୍ବରୁ କଜିନ୍ ମୀରା ଚୋପ୍ରା ଆସିଥିଲେ ।
ମୀରା ଚୋପ୍ରା ଦେଢ ଦଶନ୍ଧି ଧରି ଫିଲ୍ମରେ ଅଭିନୟ କରୁଛନ୍ତି । ସେ ୨୦୦୫ ରେ ‘ଆନ୍ୱେ ଆରୁଏୟାର’ ନାମକ ଏକ ତାମିଲ ଫିଲ୍ମରୁ ତାଙ୍କ କ୍ୟାରିୟର ଆରମ୍ଭ କରିଥିଲେ ଏବଂ ସେବେଠାରୁ ତାମିଲ, ତେଲୁଗୁ ଏବଂ କନ୍ନଡରେ କାର୍ଯ୍ୟ କରିଆସୁଛନ୍ତି । ତାଙ୍କର ପ୍ରଥମ ହିନ୍ଦୀ ଫିଲ୍ମ ଥିଲା ‘ଗ୍ୟାଙ୍ଗ୍ ଅଫ୍ ଘୋଷ୍ଟ’ ଯାହା ୨୦୧୪ ରେ ରିଲିଜ୍ ହୋଇଥିଲା । ଏକ ଇଣ୍ଟରଭ୍ୟୁରେ ମୀରା ତାଙ୍କ ଅଭିନୟ ଯାତ୍ରା ବିଷୟରେ କହିଛନ୍ତି ।
ମୀରା କହିଛନ୍ତି, ପ୍ରିୟଙ୍କାଙ୍କ ଯୋଗୁଁ ମୋତେ କୌଣସି କାମ ମିଳୁନଥିଲା । ଯଦି ମୁଁ କୌଣସି ପ୍ରଡ୍ୟୁସରଙ୍କ ପାଖକୁ ଯାଉଥିଲି , ସେମାନେ ମୋତେ ତାଙ୍କ ଭଉଣୀ ପରି କାଷ୍ଟ କରୁନଥିଲେ । ସେ କହିଛନ୍ତି ଯେ ସିନେମା ଜାଣିଥିବା ପରିବାରରୁ ଆସିଥିବାରୁ ଲୋକମାନେ ତାଙ୍କୁ କମ୍ଭିରତାର ସହ ନେଇଥିଲେ ।
ସେ ଆହୁରି ମଧ୍ୟ କହିଛନ୍ତି ଯେ ପ୍ରିୟଙ୍କାଙ୍କ ସହ ଜଡିତ ହେବା ତାଙ୍କୁ କ୍ୟାରିୟରରେ କୌଣସି ଉତ୍ସାହ ଦେଇନଥିଲା କିନ୍ତୁ ଏହା ତାଙ୍କୁ ଉପକୃତ କରିଥିଲା ଯେଉଁଥିରେ ଲୋକମାନେ ତାଙ୍କୁ ଗମ୍ଭୀରତାର ସହ ନେଇଥିଲେ । ମୀରାଙ୍କ ଦ୍ୱିତୀୟ ହିନ୍ଦୀ ଫିଲ୍ମ ‘୧୯୨୦ ଲଣ୍ଡନ’ ଥିଲା ଯାହା ବକ୍ସ ଅଫିସରେ ଭଲ ପ୍ରଦର୍ଶନ କରିଥିଲା । ସେ ଖୁସି ଯେ ତାଙ୍କୁ ପ୍ରିୟଙ୍କାଙ୍କ ସହ ତୁଳନା କରିବାକୁ ପଡିବ ନାହିଁ କାରଣ ଏହା ଭାରୀ ହୋଇପାରେ । ମୀରାଙ୍କ ସର୍ବଶେଷ ହିନ୍ଦୀ ଫିଲ୍ମ ‘ସେକ୍ସନ୍ ୩୭୫’ ଯାହା ୨୦୧୯ ରେ ରିଲିଜ୍ ହୋଇଥିଲା ।
