ଆଠଗଡ ୧୩।୨: ଆଜିର ସମାଜରେ କେହି ଅସମର୍ଥ ନୁହନ୍ତି ବୋଲି ତାହା ପ୍ରମାଣ କରି ଦୁନିଆକୁ ଦେଖାଇ ଦେଇଛନ୍ତି କିଛି ଦିବ୍ୟାଙ୍ଗ କୁନି କଳାକାର । ଏଭଳି ଏକ ନିଆରା ଭଜନ ସନ୍ଧ୍ୟା ଦେଖିବାକୁ ମିଳିଥିଲା କଟକ ଜିଲ୍ଲା ବଡ଼ମ୍ବା ଗାନ୍ଧି ଛକଠାରେ ।
ବଡ଼ମ୍ବା ଗାନ୍ଧୀ ଛକରେ ଥିବା ମା’ ତାରିଣୀ ମନ୍ଦିରର ବାର୍ଷିକ ପ୍ରତିଷ୍ଠା ଉତ୍ସବରେ ନୂଆଗାଁ ବାଲିସାହିର ଜୟ ମା’ ମଙ୍ଗଳା ଦିବ୍ୟାଙ୍ଗ ଭଜନ ସନ୍ଧ୍ୟା ତରଫରୁ ଏକ ସାଂସ୍କୃତିକ ଭଜନ ସନ୍ଧ୍ୟାର ଆସର ଅନୁଷ୍ଠିତ ହୋଇଯାଇଛି । ଯେଉଁଥିରେ ୧୦ଜଣ ଦିବ୍ୟାଙ୍ଗ ନିଜ କଣ୍ଠରେ ଲୋକଙ୍କ ମନ ଜିଣି ପାରିଥିଲେ । ଏଭଳି ଭଜନ ସନ୍ଧ୍ୟାକୁ ବେଶ ମନଭରି ଉପଭୋଗ କରିବା ସହ ଦିବ୍ୟାଙ୍ଗମାନଙ୍କୁ ଭୁରି ଭୁରି ପ୍ରଶଂସା କରିଥିଲେ ସ୍ଥାନୀୟ ଲୋକ ।
