ବାରଙ୍ଗ,୦୨/୦୧:କରୋନା କଟକଣା ଯୋଗୁଁ ନନ୍ଦନକାନନ ବୁଲି ନ ପାରି ନିରାଶ ହେଲେ ପର୍ଯ୍ୟଟକ । ନୂତନ ବର୍ଷର ପ୍ରଥମ ରବିବାରରେ ବହୁ ସଂଖ୍ୟକ ପର୍ଯ୍ୟଟକ ନନ୍ଦନକାନନ ବୁଲିବା ପାଇ ଆସିଥିଲେ ମଧ୍ୟ, ମୁଖ୍ୟ ଫାଟକ ବନ୍ଦ ଥିବାର ଦେଖି ସମସ୍ତେ ଫେରିବା ପାଇଁ ବାଧ୍ୟ ହୋଇଛନ୍ତି ।
ନୂଆ ବର୍ଷରେ ଭିଡ ବଢିବାର ସମ୍ଭାବନା ଥିବାରୁ ଗତ ଡିସେମ୍ବର ୩୦ ତାରିଖରୁ ଜାନୁଆରୀ ୩ ପର୍ଯ୍ୟନ୍ତ ନନ୍ଦନକାନନ ବନ୍ଦ ପାଇଁ ପୂର୍ବରୁ ସରକାର ଘୋଷଣା କରିଥିଲେ । ରାଜ୍ୟ ବାହାର ଅଧିକାଂଶ ପର୍ଯ୍ୟଟକ ଏହି ସୂଚନା ପାଇ ନଥିବାରୁ ଗତ ୪ ଦିନ ହେଲା ହଜାର ହଜାର ପର୍ଯ୍ୟଟକ ନନ୍ଦନକାନନ ଫାଟକ ନିକଟରୁ ଫେରୁଛନ୍ତି । ଯାହାକୁ ନେଇ ସେମାନେ ନିଜର ଅସନ୍ତୋଷ ମଧ୍ୟ ବ୍ୟକ୍ତ କରିଛନ୍ତି ।
