ନୂଆଦିଲ୍ଲୀ, ୨୨।୦୨ : ଆଇପିଏଲ ମେଗା ଅକ୍ସନ ପରେ ଚେନ୍ନାଇ ସୁପର କିଙ୍ଗସର ଜଣେ ଖେଳାଳି ଖୁସି ନାହାଁନ୍ତି । ଏହି ଖେଳାଳିଙ୍କ ଏକ ବୟାନକୁ ନେଇ ଏବେ ଚର୍ଚ୍ଚା ଜୋର୍ ଧରିଛି । ଆଇପିଏଲ ନିଲାମୀରେ ଅସନ୍ତୁଷ୍ଠ ଥିଲା ଏହି କ୍ରିକେଟର ଖେଳାଳିଙ୍କୁ ପଶୁ ବୋଲି କହିଛନ୍ତି । କେଉଁ ଖେଳାଳିଙ୍କୁ ଟିମ୍ କେତେ ଟଙ୍କାରେ କିଣିବା ବା ବିକ୍ରି କରିବ ତାହା ଠିକ୍ ନୁହେଁ ବୋଲି କହିଛନ୍ତି ଏହି ଷ୍ଟାର୍ କ୍ରିକେଟର୍ ।
ଭାରତୀୟ ଦଳର ପୂର୍ବତନ ବ୍ୟାଟର ତଥା ସିଏସକେ ପ୍ଲେୟାର ରବିନ ଉଥାପ୍ପା ଆଇପିଏଲକୁ ନେଇ ବୟ ବୟାନ ଦେଇଛନ୍ତି । ସେ କହିଛନ୍ତି ଯେ, ଆଇପିଏଲ ମହା ନିଲାମୀ ଏକ ପରୀକ୍ଷା ଭଳି ଲାଗୁଛି । ଯାହା ଆପଣ ବହୁ ପୂର୍ବରୁ ଲେଖିଥିଲେ ଓ ଫଳାଫଳ ଏବେ ଆସିବ । ସତ କହିବାକୁ ଗଲେ ନିଲାମିକୁ ଦେଖିଲେ ଖେଳାଳିମାନେ ପଶୁ ଭଳି ଲାଗନ୍ତି । ଯାହାଙ୍କ ଉପରେ ନିଲାମ ଡାକ ହୁଏ । ଏହା ଠିକ୍ ନୁହେଁ । ପ୍ରଦର୍ଶନ ଆଧାରରେ କୌଣସି ଖେଳାଳିଙ୍କ ଉପରେ ଟିପ୍ପଣୀ ଦେବା ଟିକ୍ କିନ୍ତୁ କିଏ କେତେ ଟଙ୍କାରେ ବିକ୍ରି ହେଲେ ସେନେଇ କିଛି କହିବା ଭଲ ନୁହେଁ ।
ସେ ଆହୁରି କହିଛନ୍ତି ଯେ, ଅନେକ ଖେଳାଳି ଅଧିକ ଟଙ୍କାରେ ବିକ୍ରି ହୁଅନ୍ତି ନାହିଁ । ଏହା ଦ୍ୱାରା ସେମାନଙ୍କ ମନରେ କଣ ଘଟେ ତାହା ଭାବି ହେବ ନାହିଁ । ଭଲ ଭାବନା ମନରେ ଆସିନଥାଏ । ଏପରି ଅନେକ ଖେଳାଳିଙ୍କୁ ସେ ସମବେଦନା ଜଣାଇଛନ୍ତି । ଯଦି କୌଣସି ଖେଳାଳିଙ୍କୁ ଟିମ୍ ନକିଣେ ତେବେ ତାହା ଆହୁରି ଦୁଃଖ ଦେଇଥାଏ ।
ସୂଚନାଯୋଗ୍ୟ, ଉଥାପ୍ପାଙ୍କୁ ଚେନ୍ନାଇ ୨ କୋଟି ଟଙ୍କାରେ କିଣିଛି । ତାଙ୍କ ବେସ୍ ପ୍ରାଇସ୍ ୨ କୋଟି ଥିଲା । ସେ ଚେନ୍ନାଇରେ ସାମିଲ ହେବେ ବୋଲି ଆଶା କରୁଥିଲେ । ପୂର୍ବରୁ ତାଙ୍କର ଚେନ୍ନାଇ ପାଇଁ ଖେଳିବାକୁ ଇଚ୍ଛା ଥିଲା । ସେ ଓ ତାଙ୍କ ପରିବାର ଲୋକେ ମଧ୍ୟ ଖୁସି ଥିବା କହିଥିଲେ ଉଥାପ୍ପା ।
