ସିଡନୀ, ୨୧/୧୧: ଭାରତୀୟ ଦଳର ଦ୍ରୁତ ବୋଲର ମହମ୍ମଦ ସିରାଜଙ୍କ ପିତୃ ବିୟୋଗ । ଅଷ୍ଟ୍ରେଲିଆ ଗସ୍ତରେ ଥିବା ବେଳେ ମହମ୍ମଦ ସିରାଜଙ୍କ ବାପା ମହମ୍ମଦ ଘୋଷଙ୍କର ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ୫୩ ବର୍ଷ ବୟସ ହୋଇଥିଲା । ସେ ଦୀର୍ଘ ଦିନ ଧରି ଫୁସଫୁସ ଜନିତ ରୋଗରେ ପୀଡ଼ିତ ଥିଲେ ।
ତେବେ ପିତାଙ୍କ ଦେହାନ୍ତ ଖବର ପାଇବା ପରେ ସିରାଜ ଭାଙ୍ଗି ପଡ଼ିଛନ୍ତି । ଏବେ ସେ ଦଳସହ କ୍ୱାରେଣ୍ଟାଇନରେ ଥିବାରୁ ଅନ୍ତେଷ୍ଟି କ୍ରିୟାରେ ଯୋଗଦେଇ ନାହାଁନ୍ତି ।
୨୬ ବର୍ଷିୟ ସିରାଜ ଗୁରୁବାର ଭାରତୀୟ ଦଳ ସହ ଅଭ୍ୟାସ୍ କରି ଫେରିବା ପରେ ପିତାଙ୍କ ଦେହାନ୍ତ ଖବର ପାଇଥିଲେ। ପିତାଙ୍କ ଦେହାନ୍ତକୁ ନେଇ ସେ କହିଛନ୍ତି ଯେ, ଖବର ତାଙ୍କୁ ଚକିତ କରି ଦେଇଛି । ଏହା ଜୀବନର ସବୁଠୁ ବଡ଼କ୍ଷତି । ବାପାଙ୍କ ସ୍ୱପ୍ନ ଥିଲା ସେ ଭାରତ ପାଇଁ ଖେଳିବେ, ଦେଶକୁ ଗର୍ବିତ କରିବେ । ବାପାଙ୍କ ସ୍ୱପ୍ନ ପୂରଣ ହୋଇଛି । କ୍ୟାରିୟର ପାଇଁ ପିତା ଅଟୋ ଚଲାଇବାକୁ ପଛାଇନଥିଲେ ବୋଲି ସିରାଜ କହିଛନ୍ତି ।
