ଦୋଳାରେ ବୁହା ହେଲା ଗର୍ଭବତୀ, ରାସ୍ତା ନାହିଁ

କନ୍ଧମାଳ- କନ୍ଧମାଳ ଜିଲ୍ଲା କ ନୂଆଗାଁ ବ୍ଲକ ସାରଙ୍ଗଡ଼ ପଞ୍ଚାୟତ ର ଟେଟେରା ଗାଁ ମୁଖ୍ୟ ରାସ୍ତା ଠାରୁ ପ୍ରାୟ ଦୁଇ କିଲୋମିଟର ଦୂରରେ ରହି ଏଭଳି ଅନେକ ଗ୍ରାମ କୁ ରାସ୍ତା ନ ଥିବାରୁ ଆମ୍ବୁଲାନ୍ସ ପହଞ୍ଚି ପାରୁନାହିଁ । ସରକାରଙ୍କ ମାଳ ମାଳ ଯୋଜନା ଥିଲେ ମଧ୍ୟ କନ୍ଧମାଳ ଜିଲ୍ଲା ର ଅନେକ ଗ୍ରାମ ଅପହଞ୍ଚ ହୋଇରହିଛି । କୈଣସି ଜରୁରୀ କାମ ପାଇଁ ଗ୍ରାମ ବାସୀ ବାହାରକୁ ଯାତାୟତ କରିବାରେ ଅସୁବିଧାର ସମ୍ମୁଖୀନ ହେଉଛନ୍ତି ।

ସେହି ଗାଁ ବାଟରେ ରହିଛି କାଲିପେନୁ ନଦୀ ଉପରେ ପୋଲ ନ ଥିବାରୁ ଗାଁ ପଯ୍ୟନ୍ତ ଗାଡ଼ି ପହଞ୍ଚି ପାରୁନାହିଁ । ସେହି ଗ୍ରାମର ଅରୁଣ ପ୍ରଧାନଙ୍କ ସ୍ତ୍ରୀ ଆରତୀ ଙ୍କ ଗର୍ଭ ଯନ୍ତ୍ରଣା ହୋଇଥିଲା । ଏ ନେଇ ଆମ୍ବୁଲାନ୍ସ କୁ ଖବର ଦିଆଯାଇଥିଲା କିନ୍ତୁ ରାସ୍ତା ନଥିବାରୁ ଜନନୀ ଏକ୍ସପ୍ରେସ ଗାଁ ଠାରୁ ପ୍ରାୟ ଦୁଇ କିଲୋମିଟର ଦୂରରେ ଅଟକି ରହିଥିଲା । ଆଶାକର୍ମୀ ମହେଶ୍ୱତା ପ୍ରଧାନ ଙ୍କ ସହଯୋଗରେ ଗ୍ରାମ ବାସୀ ଏକ ଦୋଳା କରି ଆସନ୍ନ ପ୍ରସବା ଆରତୀ ଙ୍କୁ ଆମ୍ବୁଲାନ୍ସ ପଯ୍ୟନ୍ତ ଦୋଳରେ ଆଣିଥିଲେ । ସେଠାରୁ ତାଙ୍କୁ ନେଇ ୯ କିମି ଦୂରରେ ସାରଙ୍ଗଡ ସ୍ବାସ୍ଥ୍ୟ କେନ୍ଦ୍ର ରେ ଭର୍ତ୍ତି କରାଯାଇଥିଲା । ଜିଲ୍ଲା ରେ ଏଭଳି ଘଟଣା ଚିନ୍ତା ର ବିଷୟ ହୋଇଛି । କନ୍ଧମାଳ ଜିଲ୍ଲା ରୁ ମନୋଜ କୁମାର ସାହୁ ଙ୍କ ରିପୋର୍ଟ