ନିଶ୍ଚିନ୍ତକୋଇଲି ୨୩।୮: ଦୋକାନ ମାଲିକଙ୍କ ଝୁଲନ୍ତା ମୃତଦେହ ଉଦ୍ଧାର । ଦୋକାନ ବାହାରେ ଥିବା ଏକ ଛାତ ରଡରେ ବେକରେ ଗାମୁଛା ବନ୍ଧା ଅବସ୍ଥାରେ ମୃତଦେହ ଉଦ୍ଧାର ହୋଇଛି । କଟକ ଜିଲ୍ଲା ନିଶ୍ଚିନ୍ତକୋଇଲି ବଜାରରେ ଘଟିଛି ଏଭଳି ଅଭାବନୀୟ ଘଟଣା ।
ସୂଚନାଯୋଗ୍ୟ ଯେ, କଟକ ଜିଲ୍ଲା ନିଶ୍ଚିନ୍ତକୋଇଲି ବଜାରରେ ଏକ ଲୁଗା ଦୋକାନ କରିଥିଲେ ମାହାଙ୍ଗା ଥାନା ଭଉଁରୀଆ ପଂଚାୟତ ଓସ୍ତପୁର ଗାଁର ବିପିନି ବିହାରୀ ମଲ୍ଲ ଓରଫ ନନିଆ । ନିଶ୍ଚିନ୍ତକୋଇଲି ବଜାରରେ ପ୍ରାୟ ବର୍ଷେ ହେବ ସେ ଏହି ଦୋକାନ କରି ପରିବାର ପ୍ରତିପୋଷଣ କରୁଥିଲେ । ତେବେ ସେ ବେକରେ ଗାମୁଛା ବାନ୍ଧି ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ନନିଆ ଜଣେ ମେଳାପୀ ଲୋକ ଥିଲେ । ତାଙ୍କ ଆତ୍ମହତ୍ୟାର କାରଣ ସ୍ପଷ୍ଟ ହୋଇ ନଥିବା ବେଳେ ସ୍ଥାନୀୟ ଲୋକେ ଓ ପରିବାର ଏହା ଏକ ସୁଚିନ୍ତିତ ହତ୍ୟାକାଣ୍ଡ ବୋଲି ଦାବି କରି ନିଶ୍ଚିନ୍ତକୋଇଲି ଥାନାରେ ଏତଲା ଦେବା ସହ ତଦନ୍ତ ଦାବି କରିଛନ୍ତି । ପୋଲିସର ତଦନ୍ତ ପରେ ସ୍ପଷ୍ଟ ହେବ ଏହା ହତ୍ୟା ନା ଆତ୍ମହତ୍ୟା । ପୋଲିସ ଶବକୁ ଜବତ କରି ବ୍ୟବଚ୍ଛେଦ ପାଇଁ କଟକ ବଡ ମେଡିକାଲ ପଠାଇଛି ।
