ନୀଳଗିରି ୧୨।୦୬ : ଟଙ୍କା ଚୋରି କରୁଥିଲା । ଧରାପଡ଼ି ଛେଚା ଖାଇଲା ଚୋର । ବାଲେଶ୍ୱର ଜିଲ୍ଲା ନୀଳଗିରି ଥାନା ସନ୍ତରାଗଡ଼ିଆ ବଜାରରେ ଏପରି ଘଟଣା ଦେଖିବାକୁ ମିଳିଛି ।
ଖବର ଅନୁଯାୟୀ, ଡ୍ରେସ୍ ଦୋକାନ ଭିତରେ ଟଙ୍କା ଚୋରି ଖସି ଯାଉଥିବା ବେଳେ ଜଣେ ଯୁବକଙ୍କୁ ଧରି ନିର୍ଦ୍ଦୁମ ଛେଚିଛନ୍ତି ଗ୍ରାମବାସୀ । ପରେ ଚୋରକୁ ଧରି ପୋଲିସ ଜିମା ଦେଇଛନ୍ତି ଗ୍ରାମବାସୀ । ଅଟକ ଥିବା ଚୋର ଜଣଙ୍କ ସୋର ଥାନା ଦହିସଡ଼ା ଅଞ୍ଚଳର ବୋଲି ଅନୁମାନ କରାଯାଉଛି ।
ସେହିପରି ଇଶ୍ୱରପୁର ଫାଣ୍ଡି ବଉଳଗଡ଼ିଆ ବଜାରରେ କିଛି ଦିନ ପୂର୍ବରୁ ଏକ ଗ୍ଲାମର ବାଇକ ଚୋରି ହୋଇଥିବା ବେଳେ ହୋଟେଲରୁ ଏକ ମୋବାଇଲ୍ ମଧ୍ୟ ଚୋରି ହୋଇଥିଲା । ଏପିରିକି ଅଞ୍ଚଳରେ ଡ୍ରଗ୍ସ ଓ ନିଶା କାରବାର ବୃଦ୍ଧି ପାଉଥିବା ବେଳେ ଚୋରଙ୍କର ପ୍ରାଦୁର୍ଭାବ ବଢିବାର ଲାଗିଛି। ପୋଲିସ ପାଟ୍ରୋଲିଂ କଡାକଡି କରିବା ପାଇଁ ସାଧାରଣରେ ଦାବି ହୋଇଛି
