ଭୁବନେଶ୍ୱର ୦୬।୦୬: ଦେବ ବିବାହ ପାଇଁ ଉତ୍ସବ ମୁଖର ଏକାମ୍ର କ୍ଷେତ୍ର । ଦେବ ଦମ୍ପତିଙ୍କ ବିବାହ ପରେ ମାତା ପାର୍ବତୀଙ୍କୁ ନେଇ ମନ୍ଦିରକୁ ଫେରିଛନ୍ତି ମହାପ୍ରଭୁ ଶ୍ରୀ ଲିଙ୍ଗରାଜ । ବିବାହ ସାରି ମନ୍ଦିରରେ ପହଞ୍ଚିଛନ୍ତି ମହାପ୍ରଭୁ ଶ୍ରୀ ଲିଙ୍ଗରାଜ । ସମ୍ପର୍ଣ୍ଣ ହୋଇଛି ପ୍ରଭୁ ଲିଙ୍ଗରାଜଙ୍କ ବିବାହ ଉତ୍ସବ।
ଶ୍ରୀଲିଙ୍ଗରାଜଙ୍କ କେଦାର ଗୌରୀ ମନ୍ଦିରରେ ବିବାହ ସମ୍ପର୍ଣ୍ଣ ହେବା ପରେ ବାଜା ବାଣା ରୋଷଣୀରେ ମନ୍ଦିର ପ୍ରତ୍ୟାବର୍ତ୍ତନ କରିଛନ୍ତି ପ୍ରଭୁ ଏକାମେଶ୍ବର । ଏହି ଅବସରରେ ବାଜା, କାହାଳି, ବାଣ , ପାରମ୍ପରିକ ଲଉଡି ବାଡି ଖେଳ ପ୍ରଦର୍ଶନ କରାଯାଇଥିଲା । ମାଆ ପାର୍ବତୀଙ୍କୁ ସାଙ୍ଗରେ ନେଇ ମନ୍ଦିରକୁ ଫେରିବା ବେଳେ ସାଙ୍ଗରେ ହାତୀ ଯୌତୁକ ନେଇ ଫେରିଛନ୍ତି।
କେଦାରଗୌରୀ ମନ୍ଦିରରେ ମାଆ ପାର୍ବତୀଙ୍କୁ ବିବାହ କରି ଶୀଳଳ ଷଷ୍ଟୀ ରାସ୍ତା ଦେଇ ତିନିମୁଣ୍ଡିଆ ଛକ , ବଢେଇ ବାଙ୍କ , ରଥ ରୋଡ ହୋଇ ମନ୍ଦିରରେ ପହଂଚିଥିଲେ। ଏହି ସମୟରେ ପାରମ୍ପରିକ ବାଜା, ବାଣ, ନାଗା ନୃଥ୍ୟ, ବନାଟି , ଲଉଡି ଖେଳ ସହ ବିଭିନ୍ନ ପାରମ୍ପରିକ ନୃତ୍ୟ ଆୟାଜନ କରାଯାଇଥିଲା। ପାରମ୍ପରିକ ବାଜା , ବାଣ ରୋଷଣି କରି କେଦାରଗୌରୀ ମନ୍ଦିରରୁ ପୁଣି ଲିଙ୍ଗରାଜ ମନ୍ଦିରକୁ ଫେରି ଆସିଛନ୍ତି।
ବିବାହ ସମ୍ପର୍ଣ୍ଣ କରିବାକୁ ଲିଙ୍ଗରାଜ ଓ ମା ପାର୍ବତୀ ଓ ଅନ୍ୟ ଦେବଦେବୀଙ୍କ ପାଳିଆ ସେବାୟତ ସମେତ ମନ୍ଦିର ସୁପର ଭାଇଜର ମନ୍ଦିର ଚର୍ଚେଇତ , ପର୍ବଜାତ ବିଶୋଇ, ଭଣ୍ଡାର ମେକାପଙ୍କ ସହ ଅନ୍ୟ ସେବାୟତ ଉପସ୍ତିତ ଥିଲେ। ରଥ ଦାଣ୍ଡରେ ବହୁ ଭକ୍ତଙ୍କ ସମାଗମ େହାଇଥିଲା। ବିଳମ୍ପିତ ରାତି ପର୍ଯ୍ୟନ୍ତ ରଥଦାଣ୍ଡ ଚଳଚଞ୍ଚଳ ହୋଇପଡିଥିଲା ।
