ସମ୍ବଲପୁର ୫।୮: ଦେବ୍ରିଗଡ ଅଭୟାରଣ୍ୟର ଚୌରାସିମାଲ ଅଞ୍ଚଳରୁ ୫ ଶିକାରୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଏ ନେଇ ହୀରାକୁଦ ବନ୍ୟପ୍ରାଣୀ ଡିଭିଜନ୍ ଡିଏଫଓ ସୂଚନା ଦେଇଛନ୍ତି । ଗିରଫ ଅଭିଯୁକ୍ତ ହେଲେ ସୁଶୀଲ ବାଗ, ହୃଷିକେଶ ପ୍ରଧାନ, ପଞ୍ଚାନନ୍ ପ୍ରଧାନ, ମୁକେଶ ଭୋଇ, ସାନ୍ତନୁ ସାହୁ । ଶିକାର ଉଦ୍ଦେଶ୍ୟରେ ଏମାନେ ଡେବ୍ରିଗଡକୁ ପ୍ରବେଶ କରିଥିବା ଡିଏଫଓ କହିଛନ୍ତି ।
ଅଭିଯୁକ୍ତମାନଙ୍କ ଠାରୁ ୧୦ଟି ସମ୍ବର ସିଙ୍ଘ, ବଡ ଆକାରର ୫ଟି ଜୁଟ୍ ବସ୍ତା, ୫ଟି ଛୁରୀ, ଟାଙ୍ଗିଆ, ଦୁଇଟି ମୋଟର ସାଇକେଲ, ଶିକାର ପାଇଁ ଉଦ୍ଦିଷ୍ଟ ଥିବା ତାର ଜବତ ହୋଇଛି । ଶିକାର ଉଦ୍ଦେଶ୍ୟରେ ଏମାନେ ପ୍ରବେଶ କରିଥିବା ବେଳେ ସେଠାରେ ପୂର୍ବରୁ ମରିପଡିଥିବା ସମ୍ବର ସିଙ୍ଘ, ଚମଡା, ଇଣ୍ଡିଆନ୍ ବାଇସନର ଚମଡା ଓ ସିଙ୍ଘ ଇତ୍ୟାଦି ଗୋଟାଉଥିଲେ ।
ଗତ ବର୍ଷ ମଧ୍ୟ ବାଘ ନଖ ଓ ମନିଟର ଲିଜାର୍ଡର ଚମଡା ଜବତ ହୋଇଥିଲା । ତେବେ ପଶ୍ଚିମ ଓଡିଶାରୁ ଛତିଶଗଡକୁ ଏହା ଚୋରା ଚାଲାଣ ହେଉଛି ।
