ନୂଆଦିଲ୍ଲୀ: ଭାରତରେ କରୋନା ସହିତ ଓମିକ୍ରନ ଭାରିଆଣ୍ଟର ମାମଲା ବଢ଼ିବାରେ ଲାଗିଛି । କରୋନା କବଳକୁ ପୁଣି ଥରେ ଆସିଲେଣି ରାଜନେତା । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲଙ୍କ ପରେ କରୋନା ସଂକ୍ରମିତ ହୋଇଛନ୍ତି ବିଜେପି ସାଂସଦ ମନୋଜ ତିଓ୍ୱାରୀ । ତାଙ୍କର କୋଭିଡ୍ ରିପୋର୍ଟ ପଜିଟିଭ୍ ଆସିଛି । ନିଜେ ଟ୍ୱିଟ୍ କରି ଏହି ସୂଚନା ଦେଇଛନ୍ତି ମନୋଜ ତିଓ୍ୱାରୀ । ସେ ଲେଖିଛନ୍ତି, ‘ଜାନୁଆରୀ ୨ ତାରିଖ ରାତିରୁ ଅସୁସ୍ଥତା ଅନୁଭବ କରିଥିଲେ । ସାମାନ୍ୟ ଜ୍ୱର ହୋଇଥିଲା । ଏଥିପାଇଁ ଉତ୍ତରାଖଣ୍ଡ-ରୁଦ୍ରପୁର ପ୍ରଚାରରେ ଯାଇ ପାରି ନଥିଲେ । କୋଭିଡ୍ ଟେଷ୍ଟିଂ ପରେ ରିପୋର୍ଟ ପଜିଟିଭ୍ ଆସିଛି ।’
ଏହାରି ମଧ୍ୟରେ ଦିଲ୍ଲୀରେ ବଢ଼ିପାରେ କର୍ଫ୍ୟୁ। କାହିଁକି ନା ଦିଲ୍ଲୀରେ କୋଭିଡ ପଜିଟିଭ୍ ହାର ୬.୫%କୁ ବୃଦ୍ଧି ପାଇଛି । ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ କୋରୋନା ପଜିଟିଭ ଚିହ୍ନଟ ହୋଇଛନ୍ତି । କୋଭିଡ ଓ ଓମିକ୍ରନ ସ୍ଥିତିକୁ ନେଇ ଆଜି ବୈଠକ ବସିବାକୁ ଯାଉଛି । ସଂକ୍ରମଣ ରୋକିବାକୁ DDMA-ଦିଲ୍ଲୀ ବିପର୍ଯ୍ୟୟ ପରିଚାଳନା ସଂସ୍ଥା କଟକଣା ବୃଦ୍ଧି କରିପାରେ ।
