ବାରିପଦା ୧୬।୬: ଦିନ ଦୁଇ ପ୍ରହରରେ ବୁଲିଲା ଭୁଜାଲି । ଭୁଜାଲିରେ ଆକ୍ରମଣ କରିଚାଲିଲେ ମହିଳା। ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ସଦର ଥାନା ସିନ୍ଦୁରଗୌରା ଅଞ୍ଚଳରେ ।
ସୂଚନାଯୋଗ୍ୟ ଯେ, ଘରୋଇ ହିଂସାକୁ ନେଇ ଦୁଇ ଗୋଷ୍ଠୀ ମଧ୍ୟରେ ଉତ୍ତେଜନା ପରିସ୍ଥିତି ଦେଖିବାକୁ ମିଳିଥିଲା । କାଳୀକାପୁରର ଜଣେ ମହିଳାଙ୍କର ସିନ୍ଦୁରଗୌରା ଅଞ୍ଚଳରେ ବିବାହ ହୋଇଥିଲା । ଦୁଇ ପରିବାର ମଧ୍ୟରେ କୌଣସି କାରଣରୁ ଅଶାନ୍ତି ସୃଷ୍ଟି ହୋଇଥିଲା । ଝିଅ ଘର ଲୋକେ ଠେଙ୍ଗାବାଡି ଧରି ସେଠାକୁ ଯାଇଥିବା ବେଳେ ଦୁଇ ଗାଁ ଲୋକଙ୍କ ମଧ୍ୟରେ ଉତ୍ତେଜନା ଦେଖିବାକୁ ମିଳିଥିଲା । ଘଟଣାକୁ କେନ୍ଦ୍ରକରି ସଂଘବଦ୍ଧ ଭାବେ କିଛି ମହିଳା ଅନ୍ୟ ଏକ ଗୋଷ୍ଠୀର ମହିଳାଙ୍କୁ ଠେଙ୍ଗା ଓ ଭୁଜାଲିରେ ଆକ୍ରମଣ କରିଥିଲେ । ଘଟଣାରେ ୩ ଜଣଙ୍କୁ ଅଟକ ରଖିଛି ବାରିପଦା ସଦର ପୋଲିସ ।
